قامشىبەك قوڭقاباەۆ ارشالىداعى تۇرمەدە ءجۇر

فوتو: qov.kz

قازاقستان قۇراماسىنىڭ كوشباسشىسى قامشىبەك قوڭقاباەۆ كولونياعا باردى, – دەپ حابارلايدى qandastar.kz turkystan.kz-كە سىلتەمە جاساپ.

بۇل شارا قر پرەمەر-ءمينيسترىنىڭ وكىمىمەن بەكىتىلگەن قىلمىستىق-اتقارۋ جۇيەسى مەكەمەلەرىندەگى جاعدايدى جاقسارتۋدىڭ 2023-2025 جىلدارعا ارنالعان جول كارتاسىن ىسكە اسىرۋ شەڭبەرىندە جۇزەگە اسىرىلعان.

اتالعان ءىس-شارانى استانا قالاسى قىلمىستىق-تۇزەتۋ مەكەمەسى مەن ارشالى اۋداندىق پروكۋراتۋراسىمەن بىرلەسىپ ۇيىمداستىرعان. ماقسات سوتتالعاندارمەن تاربيە جانە پروفيلاكتيكالىق جۇمىستاردى جۇرگىزۋ بولاتىن.

«ءوز قاتەلىكتەرىڭىزدى ءتۇسىنىپ, ەلىمىزدىڭ تولىققاندى ازاماتتارى رەتىندە ەركىندىككە ورالۋعا ۇمتىلۋلارىڭىز كەرەك. سىزدەردى سپورتپەن اينالىسۋعا, سالاۋاتتى ءومىر سالتىن ۇستانۋعا شاقىرامىن. سپورتپەن اينالىسۋ ەشقاشان كەش ەمەس. ءبىر ايتارىم بولاشاقتارىڭىز ءوز قولدارىڭىزدا ارقاشان ەستە ساقتاڭىزدار», – دەدى قامشىبەك كۇنقاباەۆ ءوز سوزىندە.

بوكسشى سپورتتاعى كارەراسىن, جەڭىسكە جەتكەن جولداعى قيىندىقتارى مەن قىزىقتارىن اڭگىمەلەپ بەردى.