Qamshybek Qońqabaev jańa qyzmetke kiirsti

Foto: sports/kz

Belgili qazaqstandyq boksshy, Olımpıada oıyndarynyń júldegeri Qamshybek Qońqabaev jańa qyzmetke taǵaıyndalady, dep jazdy qandastar.kz

Bul týraly Qyzylorda oblystyq Dene shynyqtyrý, sport jáne týrızm basqarmasynyń basshysy Baqtııar Artaev óńirlik kommýnıkaııalar qyzmetinde ótken brıfıng barysynda aıtty.

– О́ńirde boksty damytýǵa barynsha bet buramyz. О́zderińizge belgili, jýyrda 81 keli salmaq dárejesinde Azamat Bektas el chempıony atandy. Bul jetistikti odan ári jandandyrýymyz qajet. “Tarlan” boks keshenin memlekettiń balansyna alýdy josparlaýdamyz. Eger de bul jumysymyz oıdaǵydaı aıaqtalsa, Syr óńiriniń maqtanyshy Qamshybek Qońqabaevty jumysqa qabyldap, jumysty odan ári jandandyramyz. Sonymen qatar Tursynbaı Qulahmet sekildi jas mamandardy da shákirt tárbıeleý jumysyna tartyp jatyrmyz, – dedi Baqtııar Artaev.

Jyl basynda Qazaqstan quramasynyń bas jattyqtyrýshysy Qaırat Sátjanov Qamshybek Qońqabaevtyń sporttaǵy mansaby aıaqtalǵanyn aıtqan edi. 91 keliden joǵary salmaqta judyryqtasqan boksshy mansap jolynda Tokıo Olımpıadasynyń qola júldegeri, eki dúrkin ÁCh kúmis júldegeri (2017, 2019), úsh ret Azııa chempıonatynyń kúmis (2017, 2019, 2021) júldegeri atandy.