Kanadada 25 myńnan astam adam úıin tastap ketýge májbúr boldy

Kanadada órshigen orman órtteri saldarynan 25 myńnan astam turǵyn óz úılerin tastap ketýge májbúr boldy. Tabıǵı apat Alberta, Manıtoba jáne Saskachevan provınııalarynda beleń alyp otyr, dep habarlaıdy Qandastar.kz Sky News agenttigine silteme jasap.

Kanadalyq vedomstvoaralyq orman órtteri ortalyǵynyń dereginshe, 30 mamyrda el aýmaǵynda 175-ten astam orman órti tirkelgen. Qurǵaq aýa raıy men qatty jel órttiń jyldam taralýyna sebep bolyp, ony sóndirýdi qıyndatyp otyr. Jergilikti bılik basqa óńirlerden órt sóndirýshilerdi kómekke shaqyrdy.

Eń kóp zardap shekken – Manıtoba provınııasy. Munda 17 myń adamǵa evakýaııa buıyryldy. Saskachevanda 8 myńǵa jýyq, Albertada 1 300-den astam adam qaýipsiz aımaqtarǵa kóshirildi. Budan bólek, 29 mamyrda CBC News Saskachevannyń Pelıkan Narroýz eldi mekeninde 4 myńǵa jýyq turǵyn dala órtine baılanysty evakýaııalanǵanyn habarlaǵan edi.

Kanadalyq bılik turǵyndarǵa qaýip seıilmeıinshe úılerine oralmaýǵa keńes berip otyr. Orman órtteri klımattyq ózgeristerdiń saldary retinde jıilep barady, deıdi mamandar.