قانات پەن قايراتتان شەدەۆر كۇتكەن مەن جىندى: جۋرناليست قازاق كينوسىنا كەتكەن اقشاسىنا ءىشى كۇيدى

فوتو: اشىق دەرەككوز

جۋرناليست دياس نۇراقىن كينوتەاتردا ساتىلىمدا بوپ جاتقان تاعى ءبىر قازاق كينوسى تۋرالى ءوز ويىن ءبىلدىردى, دەپ حابارلايدى  qandastar.kz    Alash.kz ۇلتتىق پورتالىنا سىلتەمە جاساپ.

ول بۇل تۋرالى ءوز facebook پاراقشاسىندا جازدى.

كۇيبەڭ تىرلىك بىتپەيدى, كەتتىك ءبارىن تاستا دەپ كەلىنشەگىمدى ەرتىپ كينوعا باردىق بۇگىن. ەندى التىن ۋاقىتىمدى, بيلەتكە تولەگەن 5400 تەڭگەمدى ويلاپ ءىشىم اشىپ وتىر. جارناماسى جەر جارعان “كەتتىك ءبارىن تاستا”-دەگەن كينو ناعىز قىرت ەكەن. قايرات ادىلگەرەي مەن قانات ءالجاپپاروۆتان شەدەۆر كۇتىپ جۇرگەن مەن دە جىندى. ەرلان ءبىلال مەن شانشارداعى ۋاليبەك كوكەم دە كرەديتتەرىن تولەي الماي قينالىپ جۇرگەن سياقتى. ايتپەسە ءمان-ماعىناسى, ەزۋ تارتار تۇسى ءتىپتى مازمۇنى جوق مۇنداي كينوعا تۇسپەس ەدى. ء“جايشا جۇرسىڭدەر مە, ءشاي ىشەسىڭدەر مە?”-دەگەن قىرىق جىلعى قىرتىمباي اڭگىمەلەرىن ءالى ايتىپ ءجۇر. بۇل فيلمنەن رۋحاني ازىق الامىن, ىشكى مادەنيەتىمدى كوتەرەيىن دەپ جۇرگەن مەن جوق. ءجاي اشەيىن جەڭىل ءازىل كورىپ, قازاقى قالجىڭ ەستىپ, مي تىنىقتىرايىن دەگەم. بىراق ءبارىن تاستاپ, بوعىم قايناپ  وسى پوستتى جازۋعا تۋرا كەلىپ تۇر. قىسقاسى, قىرتتاردان قىرت فيلم تۋادى, قىرتتىڭ جولىن قىرت قۋادى ەكەن. اقشاڭدى اياماساڭ دا ءوزىڭدى اياپ بۇل كينوعا بارماي-اق قويىڭىزدار. “بازار جوقتىڭ” دەڭگەيىنەن ءارى اسپاعان ارتىسسىماقتاردىڭ فيلمىنەن “نە شۋتيتە س زوحانوم” دەگەن كينو الدەقايدا قىزىق”,-دەپ جازدى ول.