جاڭالىقتار
«قانداي ادامسىڭ, كلۋبتى بەر». سوتتالعان شەنەۋنىكتىڭ بۇرىنعى ايەلى تاعى ءبىر جايتتى جايىپ سالدى
فوتو: Tengrinews.kz
سوتتالعان قۋاندىق بيشىمباەۆتىڭ بۇرىنعى ايەلى نازىم قاھارمان تىكەلەي ەفيردە ايەلدەرگە اجىراسقاننان سوڭ نە ىستەۋ كەرەكتىگى تۋرالى كەڭەس بەردى, دەپ حابارلايدى «ادىرنا» ۇلتتىق پورتالى.
بەلسەندى نازىم قاھارمان مەن مارقۇم سالتانات نۇكەنوۆانىڭ اعاسى ايتبەك امانگەلدى 17 شىلدە كۇنى الەۋمەتتىك جەلىدە تىكەلەي ەفير وتكىزدى. تالقىلانعان تاقىرىپ – اجىراسقالى جۇرگەن كەلىنشەكتەرگە ءوزىن, بالالارىن قورعاۋعا كومەكتەسەر ءتۇرلى كەڭەستەر.
نازىم قاھارمان ايەلدەردىڭ كۇندەلىكتى كورەتىن قيىندىقتارىن ايتتى.
«اجىراسقان ۋاقىتتا دۇنيە-م ۇلىكتىڭ تەڭدەي ءبولىنۋى – زاڭدىلىق, بۇل الەمدىك تاجىريبە. الايدا ءبىزدىڭ ەل بۇعان ءالى جاتىرقاي قارايدى. ەركەكتەر «مەن تابىس تابامىن, ال سەن ۇيدە بوس وتىرسىڭ» دەپ شىعا كەلەدى. ايەلدىڭ 9 اي بالا كوتەرگەنى, بوسانعانى, گورموندىق, پسيحولوگيالىق قيىندىقتاردى باستان وتكىزگەنى قايدا قالدى? ونىڭ قۇنى قالاي ەسەپتەلەدى? بالانىڭ اكەگە سىيلار باقىتىن دا اقشامەن ەسەپتەي المايمىز. بىراق الەمدىك تاجىريبەدە ەر مەن ايەلدىڭ وتباسىنداعى ماتەريالدىق ۇلەسىنەن بولەك ماتەريالدىق ەمەس ۇلەسى دە ەسەپكە الىنادى. بىزگە دە وسىنداي كوزقاراس كەرەك. قازاق قوعامىندا ايەلگە قويىلار تالاپ تىم كوپ. ول كەرەمەت جار, يبالى كەلىن, ۇلگىلى انا بولىپ قانا قويماي, جەتىنشى بالاسىن بوسانعان سوڭ 40 كۇننەن كەيىن مودەل سياقتى سىمباتتى بولۋى قاجەت. سول تالاپتاردىڭ بارىنە ساي كەلىپ تۇرعان كۇندە دە ۇيدە بوس وتىرسىڭ دەپ ەڭبەگىن قۇنسىزداندىرادى», – دەيدى نازىم.
نازىم قاھارمان قۋاندىق بيشىمباەۆپەن اجىراسقان ساتتە كۇيەۋىنىڭ مانيپۋلياتسياسى تۋرالى دا جاسىرمادى.
«م ۇلىك ارقىلى دا مانيپۋلياتسيا جاساۋعا بولادى. مەن دە وزگە ايەلدەر سەكىلدى كۇيەۋىمە سەندىم. كلۋب مەنىڭ بۇرىنعى ەنەمە (بيشىمباەۆتىڭ اناسىنا) تىركەلگەن. ءبىز اجىراسىپ جاتقاندا «قانداي ادامسىڭ, كلۋبتى بەر» دەگەن سەكىلدى كورىنىس بولدى. بۇل دا ءبىر مانيپۋلياتسيا. جانجالعا ءمان بەرمەي ءوز جۇمىسىڭدى ىستەي بەرۋ كەرەك», – دەيدى ول.
ءۇش بالانىڭ اناسى نازىم ءوز كاسىبىن باستاپ, اياققا تۇرعىزۋ ءۇشىن 10 جىل ۋاقىتىن سارپ ەتكەن. الايدا كاسىپ بيشىمباەۆتىڭ اناسىنا جازىلىپ كەتكەن كورىنەدى. ارتىنشا ەكس-مينيستر بۇرىنعى ايەلىنە اكتيۆتەرىن قايتارعان.
