قانداي سالالاردا ەكونوميكالىق ءوسىم بار? – ۇلتتىق ەكونوميكا مينيسترلىگى جاۋاپ بەردى

فوتو: yandex.kz

قر ۇلتتىق ەكونوميكا مينيسترلىگى اعىمداعى جىلدىڭ ءبىرىنشى جارتىجىلدىعىنداعى قازاقستان رەسپۋبليكاسىنىڭ ەكونوميكالىق دامۋىنىڭ قورىتىندىلارى تۋرالى حابارلايدى.

ۇلتتىق ستاتيستيكا بيۋروسىنىڭ جەدەل دەرەكتەرى بويىنشا جالپى ىشكى ءونىمنىڭ ء(جىو) ناقتى ءوسۋى اعىمداعى جىلعى قاڭتار-مامىرداعى 3,2%-پەن سالىستىرعاندا جەدەلدەۋدى كورسەتىپ, 3,3%-ءتى قۇرادى. ديناميكانىڭ جاقسارۋى تاۋارلار وندىرىسىندە دە (3,5%-تەن 3,6%-كە دەيىن), سونداي-اق قىزمەت كورسەتۋ سەكتورىندا دا (3,1%-تەن 3,3%-كە دەيىن) بايقالادى.

وتكەن جىلمەن سالىستىرعاندا ەكونوميكانىڭ ءوسۋ قارقىنىنىڭ باياۋلاۋى ەكونوميكانىڭ ەداۋىر سەكتورلارىنىڭ دامۋىنا, ونىڭ ىشىندە ساۋدا, كولىك, لوگيستيكا جانە ت.ب. شەكتەۋشى اسەر ەتكەن 10 وڭىردەگى سۋ تاسقىنى سالدارىنىڭ اسەرىمەن, سونداي-اق مۇناي ءوندىرۋدىڭ 1,6%-كە قىسقارۋىمەن بايلانىستى.

ءجىو قۇرىلىمىندا ەكونوميكا ءوسۋىنىڭ باستى فاكتورلارىنىڭ ءبىرى ونەركاسىپتىك ءوندىرىس بولىپ تابىلادى, ونىڭ كولەمى 2,8%-كە ۇلعايدى.

وڭدەۋ ونەركاسىبىندە تۇراقتى ءوسۋ (5,1%-كە) ساقتالۋدا, ول تاۋ-كەن ءوندىرۋ ونەركاسىبىندەگى (0,3%-كە) وسۋدەن ەداۋىر وزىق قارقىنمەن ءوسىپ كەلەدى.

وڭدەۋ ونەركاسىبىنىڭ سالالارى اراسىندا ماشينا جاساۋ ءوندىرىسىنىڭ 9,4%-كە, مەتاللۋرگيانىڭ 8,3%-كە, حيميا ونەركاسىبىنىڭ
5,3%-كە, فارماتسەۆتيكالىق ءونىمنىڭ 14,8%-كە جانە جيھاز ءوندىرىسىنىڭ 28,3%-كە ءوسۋى قامتاماسىز ەتىلدى.

قۇرىلىس جۇمىستارىنىڭ كولەمى 2,7 ترلن تەڭگەنى قۇرادى جانە بەس ايداعى كورسەتكىشپەن سالىستىرعاندا 0,5 پروتسەنتتىك تارماققا جەدەلدەپ, 8,6%-كە ءوستى.

اعىمداعى جىلدىڭ قاڭتار-ماۋسىم ايلارىندا 4,6 ملن شارشى مەتر كوپپاتەرلى ءۇي پايدالانۋعا بەرىلدى, بۇل وتكەن جىلدىڭ سايكەس كەزەڭىنەن 5,9%-كە جوعارى.

اۋىل شارۋاشىلىعى ماۋسىمدىق ءوسۋدىڭ بەلسەندى كەزەڭىنە كىردى. اۋىل شارۋاشىلىعىندا ءونىم ءوندىرۋ 3,4%-كە ءوستى, بۇل اعىمداعى جىلعى قاڭتار-مامىردىڭ كورسەتكىشىنەن 1,8 پروتسەنتتىك تارماققا جوعارى.

كولىك سالاسى مەن اقپارات جانە بايلانىس سەكتورىن دامىتۋ ەكونوميكا ءوسۋىنىڭ ماڭىزدى قۇرامداس بولىگى بولىپ قالا بەرۋدە. اعىمداعى جىلدىڭ قاڭتار-ماۋسىم ايلارىندا كولىك جانە قويمالاۋ قىزمەتتەرى 7,3%-كە, اقپارات جانە بايلانىس قىزمەتتەرى 8,7%-كە ءوستى.

ناقتى سەكتورداعى ءوسۋ ساۋدا كولەمىنىڭ وسۋىمەن قاتار جۇرۋدە. ىشكى ساۋدا كولەمى 3,9%-كە ۇلعايدى جانە ا.ج. قاڭتار-مامىرمەن سالىستىرعاندا 0,8 پروتسەنتتىك تارماققا جەدەلدەدى.

ەكونوميكانىڭ شيكىزات ەمەس سالالارىندا ينۆەستيتسيالىق بەلسەندىلىك وسۋدە. وڭدەۋ ونەركاسىبىندە (9,4%-كە), اقپارات جانە بايلانىستا (2,4 ەسە), عىلىمي جانە تەحنيكالىق قىزمەتتە (58%-كە), كولىكتە (33,7%-كە), ءبىلىم بەرۋدە (24,1%-كە), قارجىلىق قىزمەتتە (22,1%-كە) جانە جىلجىمايتىن م ۇلىكپەن وپەراتسيالاردا (4,5%-كە) نەگىزگى كاپيتالعا ينۆەستيتسيالاردىڭ ءوسۋى بايقالادى.

بەسىنشى اي قاتارىنان ىسكەرلىك بەلسەندىلىك يندەكسىنىڭ وسۋى بايقالۋدا, ول ماۋسىم ايىنىڭ قورىتىندىسى بويىنشا 51,4-ءتى قۇرادى.

اعىمداعى جىلى ينفلياتسيالىق پروتسەستەردىڭ باياۋلاۋىنىڭ تۇراقتى ءۇردىسى بايقالۋدا. اعىمداعى جىلعى ماۋسىمدا جىلدىق ينفلياتسيا وتكەن جىلدىڭ ماۋسىمىمەن سالىستىرعاندا 8,4%-كە دەيىن تومەندەدى (ا.ج. قاڭتاردا 9,5%).

ازىق-ت ۇلىك تاۋارلارىنا باعانىڭ ءوسۋى 5,4%-كە, ازىق-ت ۇلىك ەمەس تاۋارلارعا 7,4%-كە دەيىن باياۋلادى. اقىلى قىزمەتتەر باعاسىنىڭ ءوسۋى 13,8%-ءتى قۇرادى.

بۇل رەتتە اعىمداعى جىلعى ماۋسىمدا ينفلياتسيا دەڭگەيى وتكەن ايعا قاراعاندا 0,4%-كە دەيىن باياۋلادى, بۇل 2021 جىلدان بەرى ەڭ تومەنگى كورسەتكىش بولىپ تابىلادى.

ينفلياتسيانى تەجەۋگە ينفلياتسيا دەڭگەيىن باقىلاۋ جانە تومەندەتۋ بويىنشا شارالار كەشەنىن ىسكە اسىرۋ وڭ اسەر ەتۋدە.

وتكەن جىلمەن سالىستىرعاندا ساۋدا بالانسى جاقسارۋدا.

اعىمداعى جىلدىڭ قاڭتار-مامىر ايلارىندا الدىن الا دەرەكتەر بويىنشا سىرتقى ساۋدا اينالىمى 55,3 ملرد اقش دوللارىن قۇرادى.

ونىڭ قۇرىلىمىندا تاۋارلار ەكسپورتى 1,8%-كە ءوسىپ, 32,5 ملرد دوللاردى قۇرادى, ونىڭ ىشىندە وڭدەلگەن تاۋارلاردىڭ ەكسپورتى
0,8%-كە, 10,5 ملرد اقش دوللارىنا دەيىن ارتتى.

يمپورت 7,2%-كە قىسقارىپ, 22,9 ملرد اقش دوللارىن قۇرادى.

وڭ ساۋدا بالانسى 9,6 ملرد دوللارىن قۇرادى جانە 2,3 ملرد دوللارعا نەمەسە وتكەن جىلدىڭ سايكەس كەزەڭىمەن سالىستىرعاندا 32,4%-كە نىعايدى.

ەلدىڭ حالىقارالىق رەزەرۆتەرى وسۋدە.

جىل باسىنان بەرى جالپى حالىقارالىق رەزەرۆتەر 5,4 ملرد دوللارعا وستى جانە اعىمداعى جىلدىڭ 1 شىلدەسىنە 101,3 ملرد اقش دوللارىنان استى.

ونىڭ ىشىندە ۇلتتىق قوردىڭ ۆاليۋتالىق اكتيۆتەرى 1,4 ملرد دولللارعا, 61,4 ملرد دوللارعا دەيىن, ال ۇلتتىق بانكتىڭ التىن-ۆاليۋتا رەزەرۆتەرى 4 ملرد دوللارعا, 39,9 ملرد اقش دوللارىنا دەيىن ءوستى.