ىقتيار حات
قانداي جاعدايلاردا تۇرۋعا رۇقسات بەرىلمەيدى?
قولدانىستاعى زاڭنامانى جانە بارلىق رەسميلىكتەردى ساقتاعاندا كوشى-قون پوليتسياسىنىڭ ورگانى تۇراقتى تۇرۋعا رۇقسات بەرۋگە مىندەتتى. رۇقساتتى جانە تۇرۋ ىقتيارحاتىن الۋدى جەڭىلدەتە الاتىن جاعدايلار دەپ مىنالاردى اتاۋعا بولادى:
- شەتەلدىكتىڭ قازاقستاندا تۋى;
- بۇرىن بولعان قازاقستاندىق ازاماتتىق;
- قازاقستاندا جاقىن جانە الىس تۋىسقانداردىڭ بولۋى;
- قازاقستاندا بالانىڭ تۋى.
تۇرۋ ىقتيارحاتىن الۋدا ارنايى جەڭىلدىكتەر كوزدەلمەگەن. جوعارىدا كورسەتىلگەن جاعدايلار رۇقسات الۋدى جەڭىلدەتپەيدى, بىراق تۇراقتى تۇرۋعا قالدىرۋ ءۇشىن سەبەپتەر نەگىزدەمەسى بولىپ تابىلادى, سول سەبەپتى ولاردى وتىنىشتە راستايتىن قۇجاتتاردى قوسا بەرۋمەن كورسەتكەن ءجون.
رۇقساتتى بەرۋدەن مىناداي جاعدايلاردا باس تارتۋى مۇمكىن:
- زاڭسىز كەلگەن, سونداي-اق قىلمىس جاساعانى ءۇشiن وزدەرi شىققان ەلدەردiڭ زاڭناماسى بويىنشا قۋدالاۋعا ۇشىراعان يمميگرانتتارعا;
- سوتتالعانعا دەيiن تۇراقتى تۇرعىلىقتى جەرi قازاقستان رەسپۋبليكاسىنان تىس بولعان, باس بوستاندىعىنان ايىرۋ ورىندارىنان بوساتىلعان ادامدارعا;
- ادامزاتقا قارسى قىلمىس جاساعان;
- ەتنيكالىق قازاقتاردى, قازاق كەڭەستiك سوتسياليستiك رەسپۋبليكاسىندا نەمەسە قازاقستان رەسپۋبليكاسىندا تۋعان نەمەسە بۇرىن ونىڭ ازاماتتىعىندا تۇرعان بۇرىنعى وتانداستاردى, سونداي-اق قازاقستان رەسپۋبليكاسىنىڭ حالىقارالىق شارتتارىنىڭ نەگiزiندە قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋ قۇقىعى بار ادامدار مەن ولاردىڭ وتباسى مۇشەلەرiن قوسپاعاندا, قازاقستان رەسپۋبليكاسىنىڭ ۇكiمەتi بەلگiلەگەن تارتiپپەن جانە مولشەرلەردە ءوزiنiڭ تولەم قابiلەتتiلiگiن راستاۋدى ۇسىنباعاندار;
- قازاقستان رەسپۋبليكاسىندا شەتەلدىكتەردىڭ قۇقىقتىق جاعدايى تۋرالى زاڭنامانى بۇزعان;
- ۇلتارالىق جانە دiني ارازدىقتى ورشىتكەن;
- ءىس-ارەكەتتەرi كونستيتۋتسيالىق قۇرىلىستى كۇشتەپ وزگەرتۋگە باعىتتالعان;
- قازاقستان رەسپۋبليكاسىنىڭ ەگەمەندiگi مەن تاۋەلسiزدiگiنە قارسى شىققان, ونىڭ اۋماعىنىڭ بiرلiگi مەن تۇتاستىعىن بۇزۋعا شاقىرعان;
- اۋىر نەمەسە اسا اۋىر قىلمىس جاساعانى ءۇشىن سوتتالعاندىعى بولعان;
- ۇلتتىق قاۋىپسىزدىك ورگاندارىندا ولاردىڭ ەكسترەميزمگە نەمەسە تەرروريستىك ءىس-ارەكەتكە قاتىستىلىعى تۋرالى مالىمەتتەر بولعان كەزدە;
- قازاقستان رەسپۋبليكاسىندا تۇراقتى تۇرۋعا رۇقسات الۋ تۋرالى قولداۋحاتپەن ءوتiنiش جاساعان كەزدە جالعان قۇجاتتاردى ۇسىنعان نە ءوزى تۋرالى كورىنەۋ جالعان مالiمەتتەر حابارلاعان نەمەسە قاجەتتi قۇجاتتاردى قازاقستان رەسپۋبليكاسىنىڭ زاڭناماسىندا بەلگiلەنگەن مەرزiمدە دالەلدى سەبەپسىز ۇسىنباعان;
- قازاقستان رەسپۋبليكاسىندا تۇراقتى تۇرۋعا ارنالعان رۇقساتتى بەرگەن كەزگە دەيىن بەس جىلدىڭ ىشىندە قازاقستان رەسپۋبليكاسىنان شىعارىپ جiبەرiلگەن;
- ەگەر بۇل قازاقستان رەسپۋبليكاسى ازاماتتارىنىڭ جانە باسقا دا ادامداردىڭ قۇقىقتارى مەن زاڭدى مۇددەلەرiن قورعاۋ ءۇشiن قاجەت بولسا
- قازاقستان رەسپۋبليكاسىنىڭ اۋماعىندا تۇراقتى تۇرۋعا رۇقسات العان جانە تۇراقتى تۇرۋعا رۇقسات بەرىلگەن كۇننەن باستاپ رەتىمەن كەلەتىن كەز كەلگەن ون ەكى ايلىق كەزەڭ شەگىندە كۇنتىزبەلىك ءبىر ءجۇز سەكسەن ءۇش كۇننەن از تۇرىپ جاتقان;
- قازاقستان رەسپۋبليكاسىنىڭ ازاماتتارىمەن نەكەلەسكەن, وسى نەكەسى تۇرۋعا ىقتيارحاتتى الۋ ءۇشىن نەگىز بولعان, ەگەر بۇل نەكە زاڭدى كۇشىنە ەنگەن سوت شەشىمىمەن جارامسىز دەپ تانىلسا
- قازاقستان رەسپۋبليكاسىنىڭ حالىقتىڭ كوشى-قونى, سالىق سالۋ جانە ەڭبەك زاڭناماسى سالاسىنداعى قۇقىق بۇزۋشىلىقتار ءۇشىن اكىمشىلىك جاۋاپكەرشىلىككە تارتىلعان;
- ۇلتتىق قاۋىپسىزدىك مۇددەلەرىنە قاتەر توندىرەتىن;
- «قازاقستان رەسپۋبليكاسىنىڭ ازاماتتىعى تۋرالى» قازاقستان رەسپۋبليكاسى زاڭىنىڭ 21 بابى 8) تارماقشاسىندا كوزدەلگەن نەگىزدەر بويىنشا قازاقستان رەسپۋبليكاسىنىڭ ازاماتتىعىنان ايىرىلعان;
- قازاقستان رەسپۋبليكاسىنا كەلۋگە قارسى ايعاق بولىپ تابىلاتىن اۋرۋلارى بار كوشىپ كەلۋشىلەرگە;
- ەگەر ولار بۇرىن «قازاقستان رەسپۋبليكاسىنىڭ ازاماتتىعى تۋرالى» 1991 جىلعى 20 جەلتوقسانداعى قازاقستان رەسپۋبليكاسى زاڭىنىڭ 20-1-بابىندا كوزدەلگەن نەگىزدەر بويىنشا قازاقستان رەسپۋبليكاسىنىڭ ازاماتتىعىنان ايىرىلعان بولسا.
