جاڭالىقتار
قانداس مارتەبەسىن الۋ ەرەجەسى تاعى وزگەردى
قوس ازاماتتىققا جول بەرىلمەيدى. بۇگىن سەناتتا وسى ماسەلەگە قاتىستى ءتيىستى زاڭ ءبىرىنشى وقىلىمدا ماقۇلداندى. سەناتورلار قانداس مارتەبەسىن بەرۋ ءراسىمىن جەتىلدىرۋگە باعىتتالعان تۇزەتۋلەر ۇسىندى.
وسىعان وراي, ەڭبەك جانە حالىقتى الەۋمەتتىك قورعاۋ مينيسترلىگىنە ۇلتى قازاق ەكەنىن ايقىنداۋ ەرەجەسىن ازىرلەۋ جانە بەكىتۋ جونىندەگى وكىلەتتىگى بەرىلەدى. شەشىمدى ارنايى قۇرىلعان كوميسسيا قابىلدايدى. سونىمەن قاتار, عىلىمي دارەجەسى بار قانداستارعا دا ارنايى جەڭىلدىكتەر كوزدەلگەن. ىشكى ىستەر مينيسترلىگىنىڭ دەرەگىنە سۇيەنسەك, بىلتىردان بەرى 26 مىڭ 800-دەن استام ادام قازاقستان ازاماتتىعىنا قابىلداندى. ونىڭ 20 مىڭ 500-دەن استامى قانداس. ايتا كەتۋ كەرەك, 32 جىل ىشىندە قازاقستانعا 1 ملن 128 مىڭ ەتنيكالىق قازاق كەلىپ, قانداس مارتەبەسىن العان. بۇل ەل حالقىنىڭ 5,6 پايىزىنا تەڭ.
