QANDAS» MÁRTEBESIN BERÝ TÁRTIBI JETILDIRILEDI

Endi «qandas» mártebesin alý úshin ótinish bildirgen adamdardyń ulty qazaq ekenin anyqtaý tártibi jergilikti atqarýshy organdardyń quzyretine kiredi. Májilis halyqtyń kóshi-qony jáne qylmystyq-atqarý júıesi salasyndaǵy zańnamany jetildirý jobasyn ekinshi oqylymda qabyldady. Sonymen qatar eńbek mıgranttaryna bir aıdan, 12 aıǵa deıingi kez kelgen merzimge jumysqa ruqsat alý múmkindigi beriledi. Elde azamattyq alý úshin qoıylatyn talaptar kúsheıtiledi. О́tinish berýshi endi memlekettik tildi, Ata Zańdy jáne Qazaqstan tarıhyn bilýi tıis. Al qazaqstandyqtardyń jesirleri turǵylyqty merzimine qaramastan jeńildetilgen tártippen azamattyq ala alady. Sondaı-aq, eńbek mıgranttaryna da birqatar jańa múmkindik qarastyrylyp otyr. Sonyń ishinde olarǵa bir jylǵa deıingi kez kelgen merzimde jumys isteý quqyǵy beriledi. Jarqynbek Amantaıuly, QR Parlamenti Májilisiniń depýtaty: — Eldiń tarıhyn biletin adam, tilin biletin, zańyn biletin adam tez beıimdeledi ǵoı. Soǵan jol ashady. Ekinshi, eńbek mıgraııasy. Buryn 3 aı, 6 aı, 9 aı degen merzimdermen keletin. +Endi qazir bul merzimdi 12 aıǵa deıin degen merzim qoıdyq. Sheteldik azamattyń kinásinen emes, basqa sebeptermen elden shyǵa almaı qalǵan jaǵdaıynda onyń ýaqyty, ásirese, tótenshe jaǵdaılar kezinde avtomatty túrde uzartylady. Zań aıasynda «qandas» mártebesin berý tártibi ońtaılandyrylady. Etnıkalyq qazaqtardyń ultyn rastaý úrdisimen endi jergilikti atqarýshy organdar aınalysady. Buǵan qosa, eńbek kúshi tapshy óńirlerge qonys aýdarýshylarǵa eshqandaı konkýrssyz-aq jer telimi beriledi. Asqarbek Ertaev, QR EHÁQM kóshi-qon komıtetiniń tóraǵasy: — Pasportynda kórsetilmegen etnıkalyq qazaqtar Túrkııadan, Aýǵanstannan, Pákstannan kelip jatyr. Ultty anyqtaý úshin jergilikti atqarýshy organdar arnaıy komıssııalar quryp, sondaı jumystar uıymdastyrady. Soltústikke kóshemiz dese, olarǵa jańa túzetýler qarastyrylǵan jer berý jaǵynan. Birinshiden, 5 jylǵa jalǵa beriledi. Eger qonys aýdarýshy 5 jyldan kóp tursa soltústik óńirlerde, berilgen jer ýje jekege aýdarýǵa bolady. Kóshi-qon úrdisi kezinde pedofılderge, ekstremıster men lańkesterge Qazaqstanǵa kirýge qatań tyıym salynyp otyr. Erkebulan Smadııarov, tilshi: — Táýelsizdik alǵaly beri elimizge 1 mln astam etnıkalyq qazaq oralǵan. Bıyl bul baǵytqa taǵy 2,5 myńǵa jýyq kvota bólindi. Jyldyń alǵashqy aıynyń ózinde 1300-den astam adam atamekenine oralyp, «qandas» mártebesin alyp úlgerdi.