QANDASTAR TО́L MÁDENIETIN DÁRIPTEP JÚR

Bıyl Naýryz meıramynyń dúnıejúzilik materıaldyq emes muralar tizimine engenine — 15 jyl. Qazir 30-dan astam memleket bul kúndi keń aýqymda atap ótedi.

Biz úshin jyl basy naýryzdyń qundylyǵy erekshe. Halyq merekesi ıgi úrdisterdi qalyptastyratyn kúshke aınaldy. Kórshi elderdegi qandastar da mundaı jańashyldyqtan qalys qalmaıdy. Shalǵaıdaǵy aǵaıynǵa arnalǵan aq dastarhan, sporttyq oıyndar saıysy men konerttik baǵdarlama. О́zbekstandaǵy qaraqalpaq jeriniń qazaqtary úshin bul ádettegi naýryz emes.

Ulttyq dástúr jańǵyryp, qaıta qalpyna kelgen meıram. Buǵan deıin kórisý kúni ólkede atap ótile bermeıtin. Qandastar sol olqylyqtyń ornyn túzegen. Ulttyq kıimderin de maqtana kórsetip, marqaıyp otyr. Al bul — taýelibaı ólkesiniń ónerpazdary. Naýryz toıyn árkez án-jyrmen árleıdi. Onyń ústine, qazaq folklory kópshiliktiń erekshe qyzyǵýshylyǵyn týdyra bastaǵan. Mundaǵy jurt bir-birimen tatý.

Ult pen ulysqa bólinbeıdi. Qazaq, ózbek, qaraqalpaq bolyp, shyǵystyń jańa jylyn atap ótedi. Muqaǵalı Maralov, Kenımeh aýdany mádenıet úıiniń qyzmetkeri: — Ansamblimiz Qazaqstannan, kórshi elderden keletin qonaqtarǵa qyzmet jasap kelemiz. О́zimiz ulttyq dástúrlerimizdi kórsetip, kóbine osy ata-babamyzdyń halyq ánderin oryndap kelemiz. Áz-Naýryzda Tashkent qazaqtary da biregeıligin saqtap keledi. Ásirese ulttyq kıim jáne aspappen ortalyq alańǵa betteıtin jastar kóp. Sol arqyly tól mádenıetin dáripteıdi. Jyl jemisti bolsyn degen tilekpen kópshilikke án aıtyp, ónerlerin kórsetedi. Qazaqstan men О́zbekstan bastapqyda-aq ulyq meıramdy IýNESKO-nyń materıaldyq emes muralar tizimine engizý úshin kóp kúsh jumsady. Birigip áreket etti. Qazir naýryz búkil álemde halyqaralyq jańarý kúni retinde tanylǵan.

Al jer-jerde uıymdastyrylatyn mádenı sharalar baýyrlas elderdi jaqsylyqqa úndep, ıgi isterge uıystyrýshy kúshge aınalǵandaı.