قانداستاردىڭ ەلگە ورالۋى نەگە قيىن? دەپۋتات قازاقستانداعى بيۋروكراتيانى سىنعا الدى

فوتو: اشىق دەرەككوز

قازاقستانداعى بيۋروكراتيا شەتەلدەگى قانداستاردىڭ ەلگە ورالۋىنا كەدەرگى كەلتىرىپ وتىر. بۇل تۋرالى ءماجىلىس دەپۋتاتى ەرلان سايىروۆ «QASQA JOL» YouTube باعدارلاماسىندا مالىمدەدى, دەپ حابارلايدى Qandastar.kz.

دەپۋتاتتىڭ ايتۋىنشا, يران, اۋعانستان جانە پاكىستان سياقتى ەلدەردەگى قازاقتار ءۇشىن قازاقستانعا قونىس اۋدارۋ ءىس جۇزىندە مۇمكىن ەمەس.

«بۇل – تاسجۇرەكتىك. بەس جىل بۇرىن اۋعانستاندا اۋىر جاعداي بولعاندا, ۇكىمەت حالىقارالىق كونۆەنتسيالارعا سۇيەنىپ, ونداعى بۇكىل حالىقتى قابىلدايمىز دەدى. ەندى ءوز قانداستارىمىزعا كەلگەندە ەسىگىمىز جابىق پا? بۇل نە ماسقارا?», – دەدى ەرلان سايىروۆ.

ونىڭ پىكىرىنشە, مۇنداي ماسەلە تەك قازاقستاندا عانا كەزدەسەدى. باسقا ەلدەر ءوز دياسپوراسىن قولداپ, تاريحي وتانىنا ورالۋىن جەڭىلدەتكەن. سوندىقتان بىزگە كوشى-قون ساياساتى مەن قانداستاردى قابىلداۋ تەتىكتەرىن قايتا قاراۋ قاجەت.