Qandastardyń elge oralýy nege qıyn? Depýtat Qazaqstandaǵy bıýrokratııany synǵa aldy

Foto: ashyq derekkóz

Qazaqstandaǵy bıýrokratııa sheteldegi qandastardyń elge oralýyna kedergi keltirip otyr. Bul týraly Májilis depýtaty Erlan Saıyrov «QASQA JOL» YouTube baǵdarlamasynda málimdedi, dep habarlaıdy Qandastar.kz.

Depýtattyń aıtýynsha, Iran, Aýǵanstan jáne Pákistan sııaqty elderdegi qazaqtar úshin Qazaqstanǵa qonys aýdarý is júzinde múmkin emes.

«Bul – tasjúrektik. Bes jyl buryn Aýǵanstanda aýyr jaǵdaı bolǵanda, Úkimet halyqaralyq konvenııalarǵa súıenip, ondaǵy búkil halyqty qabyldaımyz dedi. Endi óz qandastarymyzǵa kelgende esigimiz jabyq pa? Bul ne masqara?», – dedi Erlan Saıyrov.

Onyń pikirinshe, mundaı másele tek Qazaqstanda ǵana kezdesedi. Basqa elder óz dıasporasyn qoldap, tarıhı otanyna oralýyn jeńildetken. Sondyqtan bizge kóshi-qon saıasaty men qandastardy qabyldaý tetikterin qaıta qaraý qajet.