قانداستارعا 10 مىڭ گرانت بولىنەدى

مەملەكەت باس­شى­سىنىڭ تاپسىرماسىن ىسكە اسىرۋ ءۇردىسى نەگىزىندە وتكەن دۇيسەنبى كۇنى ەلوردادا حا­لىق­ارالىق باعدارلامالار ورتالىعى مەن ءدۇ­نيەجۇزى قازاقتار قاۋىمداستىعى شەتەلدە تۇراتىن قازاق بالالارىن ءبىلىم گرانتتارىمەن قامتاماسىز ەتۋ ماقساتىندا ەكىجاقتى مەموراندۋمعا قول قويدى. بۇگىندە قاۋىمداستىق تاراپىنان ورالماندار ءۇشىن الەۋمەتتىك تۇرعىدان ءبىرشاما يگى جوبالار جوسپار­لانىپ, كەيبىرىن ىسكە اسىرۋ­دىڭ تەتىكتەرى قالانۋ­دا. جوعارىداعى ەكىجاقتى قول قويىلعان مەموراندۋم سو­نىڭ ءبىرى. قاۋىمداستىق وكىلدەرى وتكەن ايلاردا قان­داستارىمىز كوپ­تەپ شوعىر­لانعان ەلدەردى ارالاپ, ون­داعى قازاق جاستارى­نىڭ رۋحاني-الەۋ­مەتتىك جاعدا­يى­مەن تانىسۋدىڭ ءناتي­جە­سىن­دە, وسىنداي جاڭا قادام جا­ساۋدىڭ قاجەتتىگىن تۇسىنگەن. «شەتتەگى قانداستار اراسىندا دارىندى جاستار كوپ ەكەن. سولاردى ەلىمىزدەگى جە­تەك­شى جوعارى وقۋ ورىندارىنا قابىلداۋمەن قا­تار, بۇگىنگى قول قويعان مە­مو­­راندۋم ارقىلى شەتەل­دەر­دە دە ءبىلىم الۋىنا ءمۇم­كىندىك جاساۋىمىز كەرەك», دەيدى دۇنيەجۇزى قا­­زاق­­­­­­­­­ت­ارى قاۋىمداستىعى ءتور­­­­­اعا­­­­­­سى­­­نىڭ ءبىرىنشى ورىنبا­سا­رى زاۋىتبەك قاۋىسبەك ۇلى. كەلىسىلگەن مەموراندۋم بويىنشا, شەتتەگى قانداس­تارىمىزدىڭ قازاقستاندىق جاستارمەن بىردەي ءبىلىم الۋىنا مۇمكىندىك جاسالعان. حالىقارالىق باعدارلامالار ور­تا­لىعىنىڭ ديرەكتورى جانبولات مەل­دە­شەۆتىڭ ايتۋىنا قاراعاندا, ەلباسى تارا­پىنان قولداۋ تاۋىپ وتىرعان اتالمىش باعدارلاما عالامداعى بارلىق قازاق جاس­تارىنا ورتاق. ءتىپتى مۇندا فرانتسيا, انگليا سياقتى ەۋروپالىق دامىعان ەلدەردە تەگىن ءبىلىم الۋ مۇمكىندىكتەرى قاراستىرىلعان. قوس تاراپ كەلىسىمىمەن جۇزەگە اسقان بۇل جولعى 10 مىڭ ءبىلىم گرانتىن رەسەيدىڭ تانىمال وقۋ ورىندارى ءبولىپ وتىر. ۇمىتكەرلەردەن قۇجات قابىلداۋ, سىنالتۋ ەمتيحانى ۇستىمىزدەگى ءساۋىر ايىنىڭ ورتاسىندا شىمكەنت قالا­سىن­دا وتەدى. «بۇل جولعى گرانتقا نەگى­زىنەن قىرعىزستان مەن وزبەكستانداعى قان­داس­تارى­مىزدى كوپتەپ تارتۋدى كوزدەپ وتىرمىز. بىراق, باسقا ەلدەگى قازاق جاستارى دا كەلىپ قاتىسۋىنا بولادى», دەيدى جانبولات مەلدەشەۆ مىرزا.

بەكەن قايرات ۇلى, «ەگەمەن قازاقستان»

https://egemen.kz/article/166978-qandastargha-10-mynh-grant-boelinedi