Qandastarǵa 10 myń grant bólinedi

Memleket bas­shy­synyń tapsyrmasyn iske asyrý úrdisi negizinde ótken dúısenbi kúni elordada Ha­lyq­aralyq baǵdarlamalar ortalyǵy men Dú­nıejúzi qazaqtar qaýymdastyǵy shetelde turatyn qazaq balalaryn bilim granttarymen qamtamasyz etý maqsatynda ekijaqty memorandýmǵa qol qoıdy. Búginde Qaýymdastyq tarapynan oralmandar úshin áleýmettik turǵydan birshama ıgi jobalar jospar­lanyp, keıbirin iske asyrý­dyń tetikteri qalaný­da. Joǵarydaǵy ekijaqty qol qoıylǵan memorandým so­nyń biri. Qaýymdastyq ókilderi ótken aılarda qan­dastarymyz kóp­tep shoǵyr­lanǵan elderdi aralap, on­daǵy qazaq jastary­nyń rýhanı-áleý­mettik jaǵda­ıy­men tanysýdyń nátı­je­sin­de, osyndaı jańa qadam ja­saýdyń qajettigin túsingen. «Shettegi qandastar arasynda daryndy jastar kóp eken. Solardy elimizdegi je­tek­shi joǵary oqý oryndaryna qabyldaýmen qa­tar, búgingi qol qoıǵan me­mo­­randým arqyly shetel­der­de de bilim alýyna múm­kindik jasaýymyz kerek», deıdi Dúnıejúzi qa­­zaq­­­­­­­­­t­ary qaýymdastyǵy Tór­­­­­aǵa­­­­­­sy­­­nyń birinshi orynba­sa­ry Zaýytbek Qaýysbekuly. Kelisilgen memorandým boıynsha, shettegi qandas­tarymyzdyń qazaqstandyq jastarmen birdeı bilim alýyna múmkindik jasalǵan. Halyqaralyq baǵdarlamalar or­ta­lyǵynyń dırektory Janbolat Mel­de­shevtiń aıtýyna qaraǵanda, Elbasy tara­pynan qoldaý taýyp otyrǵan atalmysh baǵdarlama ǵalamdaǵy barlyq qazaq jas­taryna ortaq. Tipti munda Franııa, Anglııa sııaqty eýropalyq damyǵan elderde tegin bilim alý múmkindikteri qarastyrylǵan. Qos tarap kelisimimen júzege asqan bul jolǵy 10 myń bilim grantyn Reseıdiń tanymal oqý oryndary bólip otyr. Úmitkerlerden qujat qabyldaý, synaltý emtıhany ústimizdegi sáýir aıynyń ortasynda Shymkent qala­syn­da ótedi. «Bul jolǵy grantqa negi­zinen Qyrǵyzstan men О́zbekstandaǵy qan­das­tary­myzdy kóptep tartýdy kózdep otyrmyz. Biraq, basqa eldegi qazaq jastary da kelip qatysýyna bolady», deıdi Janbolat Meldeshev myrza.

Beken QAIRATULY, «Egemen Qazaqstan»

https://egemen.kz/article/166978-qandastargha-10-mynh-grant-boelinedi