قانداستارعا, ەتنيكالىق قازاقتارعا جانە ولاردىڭ وتباسى مۇشەلەرىنە ۇسىنىلاتىن مەملەكەتتىك قولداۋ شارالارى

«قانداس مارتەبەسىن» العان تۇلعالار جانە ولاردىڭ وتباسى مۇشەلەرى كەلەسىمەن قامتاماسىز ەتىلەدى:

قانداستاردى بەيiمدەۋ جانە ىقپالداستىرۋ ورتالىقتارىندا تەگiن بەيiمدەۋ جانە ىقپالداستىرۋ قىزمەتتەرiن كورسەتۋمەن;

قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىنا سايكەس مەديتسينالىق كومەكپەن;

قازاقستان رەسپۋبليكاسىنىڭ ازاماتتارىمەن تەڭ جاعدايدا مەكتەپتەردە جانە مەكتەپكە دەيiنگi ۇيىمداردا ورىندارمەن, قازاقستان رەسپۋبليكاسىنىڭ ۇكiمەتi ايقىندايتىن كولەمدە تەحنيكالىق جانە كاسiپتiك, ورتا بىلىمنەن كەيiنگi جانە جوعارى بiلiم بەرەتiن وقۋ ۇيىمدارىنا وقۋعا تۇسۋگە بولiنگەن كۆوتاعا سايكەس بiلiم الۋ مۇمكiندiگiمەن;

قازاقستان رەسپۋبليكاسىنىڭ ازاماتتارىمەن تەڭ جاعدايدا الەۋمەتتiك قورعالۋمەن;

قازاقستان رەسپۋبليكاسىنىڭ زاڭناماسىنا سايكەس جۇمىسپەن قامتۋعا جاردەمدەسۋمەن قامتاماسىز ەتiلەدi.

قانداستارعا جەكە قوسالقى شارۋاشىلىعىن جۇرگiزۋ, باعباندىقپەن اينالىسۋ, ساياجاي قۇرىلىسى ءۇشiن قازاقستان رەسپۋبليكاسىنىڭ جەر زاڭناماسىنا سايكەس اۋىلدىق ەلدi مەكەندەردiڭ جەرلەرىنەن, اۋىل شارۋاشىلىعى ماقساتىنداعى جەرلەردەن, يمميگراتسيالىق جەر قورىنان, ارنايى جەر قورىنان جانە بوسالقى جەرلەردەن ۋاقىتشا وتەۋسiز جەر پايدالانۋ قۇقىعىمەن جەر ۋچاسكەلەرi بەرiلەدi.

قانداستارعا شارۋا نەمەسە فەرمەر قوجالىعىن جانە اۋىل شارۋاشىلىعى ءوندiرiسiن جۇرگiزۋ ءۇشiن اۋىل شارۋاشىلىعى ماقساتىنداعى جەرلەردەن, ارنايى جەر قورىنان, يمميگراتسيالىق جەر قورىنان جانە بوسالقى جەردەن ۋاقىتشا جەر پايدالانۋ قۇقىعىمەن جەر ۋچاسكەلەرi بەرiلەدi.

جەرگىلىكتى اتقارۋشى ورگاندار قازاقستان رەسپۋبليكاسىنا قانداستاردى قابىلداۋدىڭ وڭىرلىك كۆوتاسىنان تىس قونىس اۋدارعان قانداستارعا جانە ولاردىڭ وتباسى مۇشەلەرىنە تۇراقتى تۇرعىلىقتى جەرىنە جول ءجۇرۋ جانە مۇلكىن تاسىمالداۋ شىعىندارىن وتەۋدى قامتيتىن بىرجولعى جاردەماقىلار بەلگىلەۋى مۇمكىن. جاردەماقىلاردى تولەۋدىڭ ءتارتىبى مەن شارتتارىن وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ اكىمدىكتەرى حالىقتىڭ كوشى-قونى ماسەلەلەرى جونىندەگى ۋاكىلەتتى ورگان بەكىتەتىن ۇلگىلىك قاعيدالار نەگىزىندە بەكىتەدى.

قانداس مارتەبەسىن بەرۋگە جانە (نەمەسە) قانداستاردى قابىلداۋدىڭ وڭىرلىك كۆوتاسىنا ەنگىزۋگە كەلىسىم العان ەتنيكالىق قازاقتار جانە ولاردىڭ وتباسى مۇشەلەرى, سونداي-اق قانداستار جانە ولاردىڭ وتباسى مۇشەلەرى قازاقستان رەسپۋبليكاسىنىڭ اۋماعىنا كەلگەن كەزدە قازاقستان رەسپۋبليكاسىنىڭ حالىقارالىق شارتتارىنا جانە (نەمەسە) كەدەن زاڭناماسىنا سايكەس, كولىك قۇرالدارىن قوسا العاندا, جەكە پايدالانۋعا ارنالعان مۇلكىنە كەدەندىك تولەمدەردى تولەۋدەن بوساتىلادى.

قانداستاردى قابىلداۋدىڭ وڭىرلىك كۆوتاسىنا ەنگىزىلگەن قانداستارعا جانە ولاردىڭ وتباسى مۇشەلەرىنە قازاقستان رەسپۋبليكاسىنىڭ حالىقتى جۇمىسپەن قامتۋ تۋرالى زاڭناماسىنا سايكەس جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋشىلارعا كوزدەلەتىن مەملەكەتتىك قولداۋ شارالارى ۇسىنىلادى.

قانداستاردى قابىلداۋدىڭ وڭىرلىك كۆوتاسىنا ەنگىزىلگەن قانداستارعا جانە ولاردىڭ وتباسى مۇشەلەرىنە وسى باپتا كوزدەلگەن مەملەكەتتىك قولداۋ شارالارىنان باسقا تۇتىنۋ كرەديتىن جانە تۇرعىن ءۇي قۇرىلىسىنا يپوتەكالىق قارىز الۋ قۇقىعى بەرىلەدى.

قانداستار نەمەسە ونىڭ وتباسى مۇشەلەرى ولاردى قانداستاردى قابىلداۋدىڭ وڭىرلىك كۆوتاسىنا ەنگىزگەننەن كەيىن قايتىس بولعان جاعدايدا, مەملەكەتتىك قولداۋ شارالارى قانداستارعا نەمەسە وتباسى مۇشەلەرىنە ولاردىڭ قازاقستان رەسپۋبليكاسىنىڭ ازاماتتىعىن العانىنا قاراماستان ۇسىنىلادى.

«حالىقتىڭ كوشى-قونى تۋرالى» زاڭىنىڭ 23 بابى 4-2-تارماعىندا اتالعان قانداستار قازاقستان رەسپۋبليكاسىنىڭ ۇكىمەتى ايقىنداعان ءوڭىردىڭ شەگىنەن تىس جەرگە ءوزىنىڭ ەرىك قالاۋىمەن بەس جىل ىشىندە ءوز بەتىنشە كوشىپ-قونعان نە قازاقستان رەسپۋبليكاسىنىڭ ازاماتتىعىن الۋدان باس تارتقان جاعدايلاردا, قازاقستان رەسپۋبليكاسىنىڭ حالىقتى جۇمىسپەن قامتۋ تۋرالى زاڭناماسىنا سايكەس جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋشىلارعا كوزدەلگەن, وزدەرى العان مەملەكەتتىك قولداۋ شارالارىن مەرزىمىنەن بۇرىن تولىق كولەمدە وتەۋگە مىندەتتى.