Qandastarǵa, etnıkalyq qazaqtarǵa jáne olardyń otbasy múshelerine usynylatyn memlekettik qoldaý sharalary

«Qandas mártebesin» alǵan tulǵalar jáne olardyń otbasy músheleri kelesimen qamtamasyz etiledi:

qandastardy beıimdeý jáne yqpaldastyrý ortalyqtarynda tegin beıimdeý jáne yqpaldastyrý qyzmetterin kórsetýmen;

Qazaqstan Respýblıkasynyń densaýlyq saqtaý salasyndaǵy zańnamasyna sáıkes medıınalyq kómekpen;

Qazaqstan Respýblıkasynyń azamattarymen teń jaǵdaıda mektepterde jáne mektepke deıingi uıymdarda oryndarmen, Qazaqstan Respýblıkasynyń Úkimeti aıqyndaıtyn kólemde tehnıkalyq jáne kásiptik, orta bilimnen keıingi jáne joǵary bilim beretin oqý uıymdaryna oqýǵa túsýge bólingen kvotaǵa sáıkes bilim alý múmkindigimen;

Qazaqstan Respýblıkasynyń azamattarymen teń jaǵdaıda áleýmettik qorǵalýmen;

Qazaqstan Respýblıkasynyń zańnamasyna sáıkes jumyspen qamtýǵa járdemdesýmen qamtamasyz etiledi.

Qandastarǵa jeke qosalqy sharýashylyǵyn júrgizý, baǵbandyqpen aınalysý, saıajaı qurylysy úshin Qazaqstan Respýblıkasynyń jer zańnamasyna sáıkes aýyldyq eldi mekenderdiń jerlerinen, aýyl sharýashylyǵy maqsatyndaǵy jerlerden, ımmıgraııalyq jer qorynan, arnaıy jer qorynan jáne bosalqy jerlerden ýaqytsha óteýsiz jer paıdalaný quqyǵymen jer ýchaskeleri beriledi.

Qandastarǵa sharýa nemese fermer qojalyǵyn jáne aýyl sharýashylyǵy óndirisin júrgizý úshin aýyl sharýashylyǵy maqsatyndaǵy jerlerden, arnaıy jer qorynan, ımmıgraııalyq jer qorynan jáne bosalqy jerden ýaqytsha jer paıdalaný quqyǵymen jer ýchaskeleri beriledi.

Jergilikti atqarýshy organdar Qazaqstan Respýblıkasyna qandastardy qabyldaýdyń óńirlik kvotasynan tys qonys aýdarǵan qandastarǵa jáne olardyń otbasy múshelerine turaqty turǵylyqty jerine jol júrý jáne múlkin tasymaldaý shyǵyndaryn óteýdi qamtıtyn birjolǵy járdemaqylar belgileýi múmkin. Járdemaqylardy tóleýdiń tártibi men sharttaryn oblystardyń, respýblıkalyq mańyzy bar qalalardyń, astananyń ákimdikteri halyqtyń kóshi-qony máseleleri jónindegi ýákiletti organ bekitetin úlgilik qaǵıdalar negizinde bekitedi.

Qandas mártebesin berýge jáne (nemese) qandastardy qabyldaýdyń óńirlik kvotasyna engizýge kelisim alǵan etnıkalyq qazaqtar jáne olardyń otbasy músheleri, sondaı-aq qandastar jáne olardyń otbasy músheleri Qazaqstan Respýblıkasynyń aýmaǵyna kelgen kezde Qazaqstan Respýblıkasynyń halyqaralyq sharttaryna jáne (nemese) keden zańnamasyna sáıkes, kólik quraldaryn qosa alǵanda, jeke paıdalanýǵa arnalǵan múlkine kedendik tólemderdi tóleýden bosatylady.

Qandastardy qabyldaýdyń óńirlik kvotasyna engizilgen qandastarǵa jáne olardyń otbasy múshelerine Qazaqstan Respýblıkasynyń halyqty jumyspen qamtý týraly zańnamasyna sáıkes jumyspen qamtýǵa járdemdesýdiń belsendi sharalaryna qatysýshylarǵa kózdeletin memlekettik qoldaý sharalary usynylady.

Qandastardy qabyldaýdyń óńirlik kvotasyna engizilgen qandastarǵa jáne olardyń otbasy múshelerine osy bapta kózdelgen memlekettik qoldaý sharalarynan basqa tutyný kredıtin jáne turǵyn úı qurylysyna ıpotekalyq qaryz alý quqyǵy beriledi.

Qandastar nemese onyń otbasy músheleri olardy qandastardy qabyldaýdyń óńirlik kvotasyna engizgennen keıin qaıtys bolǵan jaǵdaıda, memlekettik qoldaý sharalary qandastarǵa nemese otbasy múshelerine olardyń Qazaqstan Respýblıkasynyń azamattyǵyn alǵanyna qaramastan usynylady.

«Halyqtyń kóshi-qony týraly» Zańynyń 23 baby 4-2-tarmaǵynda atalǵan qandastar Qazaqstan Respýblıkasynyń Úkimeti aıqyndaǵan óńirdiń sheginen tys jerge óziniń erik qalaýymen bes jyl ishinde óz betinshe kóship-qonǵan ne Qazaqstan Respýblıkasynyń azamattyǵyn alýdan bas tartqan jaǵdaılarda, Qazaqstan Respýblıkasynyń halyqty jumyspen qamtý týraly zańnamasyna sáıkes jumyspen qamtýǵa járdemdesýdiń belsendi sharalaryna qatysýshylarǵa kózdelgen, ózderi alǵan memlekettik qoldaý sharalaryn merziminen buryn tolyq kólemde óteýge mindetti.