ءبىلىم
قاڭتار وقيعاسى كەزىندە قايتىس بولعان ازاماتتاردىڭ بالالارىنا گرانت بولىنەدى
فوتو: اشىق دەرەككوز
گرانتتاردى «قازاقستان حالقىنا» قورى بولگەلى وتىر, دەپ حابارلايدى Ulysmedia.kz.
قور نە دەيدى
«قازاقستان حالقىنا» قورى 2024-2025 وقۋ جىلىنا ارنالعان ءبىلىم گرانتتارى باعدارلاماسىن جالعاستىرىپ جاتىر. بيىل الەۋمەتتىك وسال توپتاعى تاعى 850 تالاپكەر جوعارى ءبىلىم الۋعا قول جەتكىزە الادى.
گرانتتار كىمدەرگە بەرىلەدى
قوردىڭ سايتىندا گرانتتار كىمدەرگە بەرىلەتىنى جازىلعان. ولار.
- اۋىلدىق جەردەگى, شاعىن جانە مونوقالالارداعى از قامتىلعان وتباسىلاردان;
- جەتىم بالالار نەمەسە كامەلەتكە تولعانعا دەيىن اتا-اناسىنىڭ قامقورلىعىنسىز قالعاندار;
- مۇگەدەكتىگى بار;
- مۇگەدەك بالالاردى تاربيەلەپ وتىرعان وتباسىلاردان;
- 2022 جىلعى قاڭتارداعى قايعىلى وقيعالار كەزىندە قايتىس بولعان قازاقستان رەسپۋبليكاسى ازاماتتارىنىڭ بالالارى;
- 2022 جىلعى قاڭتارداعى قايعىلى وقيعالار كەزىندە جارالانعان بالالار.
ۇمىتكەرلەردىڭ جاسى 29 جاستان اسپاۋى كەرەك. ءبىلىم بەرۋ گرانتى جەكە بولىپ تابىلادى, اۋدارىلمايدى جانە اككرەديتتەلگەن ۋنيۆەرسيتەتتەردە كۇندىزگى بولىمدە وقۋ ءۇشىن ءبىر رەت بەرىلەدى. مەملەكەتتىك ءبىلىم گرانتىن العان تۇلعالار «قازاقستان حالقىنا» قورىنىڭ گرانتىنا قۇجات تاپسىرا المايدى. گرانتتى ەكىنشى دارەجەلى نەمەسە ونلاين ءبىلىم الۋ ءۇشىن پايدالانۋعا بولمايدى.
مينيسترلەر نە دەيدى
قاڭتار وقيعاسى كەزىندە قازا بولعان قانداي ازاماتتاردىڭ بالالارىنا گرانت بەرىلەتىنى بۇگىن وقۋ-اعارتۋ ءمينيسترى عاني بەيسەمباەۆ پەن عىلىم جانە جوعارى ءبىلىم ءمينيسترى ساياسات نۇربەككە قويىلعان. ولار قوردىڭ بۇل مالىمەتىنەن حابارسىز بولىپ شىقتى.
