Qańtar oqıǵasy kezinde qaıtys bolǵan azamattardyń balalaryna grant bólinedi

Foto: ashyq derekkóz

Granttardy «Qazaqstan halqyna» qory bólgeli otyr, dep habarlaıdy Ulysmedia.kz.

Qor ne deıdi

«Qazaqstan halqyna» qory 2024-2025 oqý jylyna arnalǵan bilim granttary baǵdarlamasyn jalǵastyryp jatyr. Bıyl áleýmettik osal toptaǵy taǵy 850 talapker joǵary bilim alýǵa qol jetkize alady.

Granttar kimderge beriledi

Qordyń saıtynda granttar kimderge beriletini jazylǵan. Olar.

• aýyldyq jerdegi, shaǵyn jáne monoqalalardaǵy az qamtylǵan otbasylardan;
• jetim balalar nemese kámeletke tolǵanǵa deıin ata-anasynyń qamqorlyǵynsyz qalǵandar;
• múgedektigi bar;
• múgedek balalardy tárbıelep otyrǵan otbasylardan;
• 2022 jylǵy qańtardaǵy qaıǵyly oqıǵalar kezinde qaıtys bolǵan Qazaqstan Respýblıkasy azamattarynyń balalary;
• 2022 jylǵy qańtardaǵy qaıǵyly oqıǵalar kezinde jaralanǵan balalar.

Úmitkerlerdiń jasy 29 jastan aspaýy kerek. Bilim berý granty jeke bolyp tabylady, aýdarylmaıdy jáne akkredıttelgen ýnıversıtetterde kúndizgi bólimde oqý úshin bir ret beriledi. Memlekettik bilim grantyn alǵan tulǵalar «Qazaqstan halqyna» qorynyń grantyna qujat tapsyra almaıdy.  Grantty ekinshi dárejeli nemese onlaın bilim alý úshin paıdalanýǵa bolmaıdy.

Mınıstrler ne deıdi

Qańtar oqıǵasy kezinde qaza bolǵan qandaı azamattardyń balalaryna grant beriletini búgin Oqý-aǵartý mınıstri Ǵanı Beısembaev pen Ǵylym jáne joǵary bilim mınıstri Saıasat Nurbekke qoıylǵan. Olar qordyń bul málimetinen habarsyz bolyp shyqty.