جاڭالىقتار
«قاڭتار وقيعاسى» كەزىندە قىلمىستىق توپ قۇردى دەپ ايىپتالعان رۋسلان ىسقاقوۆ 15 جىلعا سوتتالدى
فوتو: ۆيدەودان سكرين
قاڭتار وقيعاسى بويىنشا رۋسلان ىسقاقوۆ 15 جىل 6 ايعا باس بوستاندىعىنان ايىرىلدى. بۇل تۋرالى qandastar.kz اقپارات اگەنتتىگى حابارلايدى.
سوت ۇلتتىق قاۋىپسىزدىك كوميتەتىنىڭ بەسىنشى دەپارتامەنتىنىڭ بۇرىنعى باسشىسى رۋسلان ىسقاقوۆتى قىزمەت بابىن اسىرا پايدالانىپ, ۇيىمداسقان قىلمىستىق توپ قۇردى دەپ ايىپتى دەپ تانىپ, ونى 15 جىل 6 ايعا سوتتادى. سونداي-اق ول مەملەكەتتىك قىزمەتكە تاعايىندالۋ قۇقىعىنان ومىر بويىنا ايىرىلدى.
بۇعان دەيىن تەرگەۋ رۋسلان ىسقاقوۆتىڭ ۇزاق ۋاقىت بويى «ديكي ارماننىڭ» ۇيىمداسقان قىلمىستىق توبىن جاسىرىپ كەلگەنىن ايتىپ, 5 قاڭتاردا الماتىداعى الاڭعا ادامداردى جيناپ, اتتانۋعا تاپسىرما بەرگەنىن راستاعان ەدى.
ەسكە سالايىق, 45 ادام قىلمىستىق كودەكستىڭ بىرنەشە بابى بويىنشا ايىپتالدى. جابىرلەنۋشىلەردىڭ جالپى سانى – 24. مەملەكەتتىك قۇپيالاردىڭ بولۋىنا بايلانىستى جانە جابىرلەنۋشىلەردىڭ قاۋىپسىزدىگى ءۇشىن سوت پروتسەستەرى جابىق وتتى.
