Jańalyqtar
«Qańtar oqıǵasy» kezinde qylmystyq top qurdy dep aıyptalǵan Rýslan Ysqaqov 15 jylǵa sottaldy
Foto: Vıdeodan skrın
Qańtar oqıǵasy boıynsha Rýslan Ysqaqov 15 jyl 6 aıǵa bas bostandyǵynan aıyryldy. Bul týraly qandastar.kz aqparat agenttigi habarlaıdy.
Sot Ulttyq qaýipsizdik komıtetiniń besinshi departamentiniń burynǵy basshysy Rýslan Ysqaqovty qyzmet babyn asyra paıdalanyp, uıymdasqan qylmystyq top qurdy dep aıypty dep tanyp, ony 15 jyl 6 aıǵa sottady. Sondaı-aq ol memlekettik qyzmetke taǵaıyndalý quqyǵynan ómir boıyna aıyryldy.
Buǵan deıin tergeý Rýslan Ysqaqovtyń uzaq ýaqyt boıy «Dıkıı Armannyń» uıymdasqan qylmystyq tobyn jasyryp kelgenin aıtyp, 5 qańtarda Almatydaǵy alańǵa adamdardy jınap, attanýǵa tapsyrma bergenin rastaǵan edi.
Eske salaıyq, 45 adam qylmystyq kodekstiń birneshe baby boıynsha aıyptaldy. Jábirlenýshilerdiń jalpy sany – 24. Memlekettik qupııalardyń bolýyna baılanysty jáne jábirlenýshilerdiń qaýipsizdigi úshin sot proesteri jabyq ótti.
