جاڭالىقتار
قاڭتاردان بەرى قازاقستانعا 14,3 مىڭ قانداس كەلگەن
جىل باسىنان بەرى 14 358 ادام تاريحي وتانىنا ورالىپ, قانداس مارتەبەسىن الدى. 1991 جىلدان بەرى ەلگە 1 ملن. 84,7 مىڭ ەتنيكالىق قازاق ورالدى. ەڭبەك جانە حالىقتى الەۋمەتتىك قورعاۋ مينيسترلىگىنىڭ 12 قازان كۇنگى حابارلاماسىندا وسىنداي مالىمەت كورسەتىلگەن.
بيىل كەلگەن قانداستاردىڭ جارتىسىنان استامى (76,3%) وزبەكستاننان, 9,4%-ى قىتايدان, 6,4%-ى تۇرىكمەنستاننان, 2,5%-ى موڭعوليادان جانە 5,4 %-ى باسقا ەلدەن كەلگەن.
كەلگەندەر نەگىزىنەن الماتى (28%), ماڭعىستاۋ (19,3%), تۇركىستان (13,5%) جانە جامبىل (8,1%) وبلىستارى, سونىمەن بىرگە شىمكەنت قالاسىنا (10,7%) قونىستانعان.
اقپاراتقا قاراعاندا, قونىس اۋدارۋشىلاردىڭ 55%-ى – ەڭبەككە جارامدى, 27,9%-ى – ەڭبەككە قابىلەتتى جاستان كىشى , 17,1 پايىزىن زەينەتكەرلەر قۇرايدى.
ەڭبەككە قابىلەتتى قانداستاردىڭ 11,1%-ىنىڭ جوعارى ءبىلىمى بار. 39,8 پايىزىنىڭ ورتا كاسىبي ءبىلىمى بار. 45,5%-ى – ورتا ءبىلىمدى. شامامەن 3,6%-ىنىڭ ءبىلىمى جوق.
ۆەدومستۆو مالىمەتىنشە, وڭىرلىك كۆوتا اياسىندا 720 قازاققا سۋبسيديا بەرىلگەن, ياعني وتباسىنىڭ ءاربىر مۇشەسىنە 70 اەك (204,1 مىڭ تەڭگە) مولشەرىندە اقشا تولەنگەن.
ەلدە قانداس مارتەبەسى ءبىر جىلعا دەيىن جارامدى.بىلتىر مامىردا كوشi-قون ماسەلەلەرi بويىنشا كەيبiر زاڭ اكتiلەرiنە وزگەرiستەر مەن تولىقتىرۋلار ەنگiزىلىپ, بۇعان دەيىن «ورالمان» اتالىپ كەلگەن ەتنيكالىق قازاقتار «قانداس» دەپ اتالاتىن بولعان. بىراق ورالماندار بۇل وزگەرىستەر ازاماتتىق الۋ پروتسەدۋراسىن جەڭىلدەتپەدى دەپ سانايدى.
