«Qantógis bolmasyn». Sherzattyń ákesi qazaqstandyqtarǵa shuǵyl úndeý jasady

Foto: vıdeodan skrınshot

Talǵarda tóbeles saldarynan qaza tapqan Sherzat Bolattyń ákesi Qarjaýbaı Nurymov qazaqstandyqtarǵa úndeý jasady, – dep habarlaıdy Qandastar.kz Massaget.kz tilshisine silteme jasap.

«Qurmetti, qazaq eli! Sizderdiń aldaryńyzda basymdy ıemin! Meni qoldap, balam úshin qol ushyn berip jatqandaryńyzǵa kóp raqmet! Men Qonaevtaǵy Almaty oblysynyń polıııa departamentiniń ǵımaratyna keldim. Ol jerde is oń jaǵynan qaralyp jatyr. Bizge advokattar kómektesýde. Marqum bolǵan Saltanattyń aǵasynyń da (Aıtbek Amangeldi) kómegi bar. Ol kisige de erekshe raqmet! Alǵysym sheksiz», – dedi ol.

Sherzattyń ákesi halyqtan qantógis bolmaýyn surady.

«О́tinishim bar, halqym. Eshqandaı mıtıngige, qantógis bolmasyn. Men bar jerde bir shoǵyrlanǵan adamdar kelip, sol sátti meniń dushpandarym paıdalanýy múmkin. Kóterilis jasap, meni aıaqtan shalyp, baýyryma qastandyq jasaý úshin sondaı bolýy múmkin. Sol sebepti halqym, ótinip suraımyn, eshqandaı kóterilis emes, óz qaǵıdam: zań aıasynda durys, ádil sheshim suraımyn. Artyq eshteńe suramaımyn. Shyny kerek, qandaı da bir aqparattar bolyp jatsa, ózim ǵana bólisemin. Vıdeojazbaǵa, aýdıojazbaǵa, sýretter, fotolarǵa senbeńizder. Kim kelse de, qandaı jaǵdaı bolsyn, sóılese alam, óz basyma jaýap bere alam. Al otbasymnyń jeke qaýipsizdigi ýaıymdatady», – dedi Qarjaýbaı Nurymov.

Onyń sózinshe, kúdiktiler birneshe ret qorqytqan.

«Meni bir emes, birneshe ret qorqytty. Alyp ketýler boldy. Telefonmen de. «Zańgermiz, advokatpyz, birge oqyp edik» dep kelip, aldap, meni dalaǵa shaqyryp alyp, qorqytýlar bolǵany ras», – dedi marqumnyń ákesi.

Osy tusta ol ashyq sotty talap etetinin jetkizdi.

«Halqymnan suraıtynym – esh qan tógilmesin. Ashyq sot bolýyn talap etem. Ashyq sot bolsa, oń sheshim bolady. Esh arandatýǵa túspeńizdershi. Analar jylamasyn, balalardyń qany tógilmesin. Baýyrlarym, jigitter, arandamaıyqshy, aldanyp qalmaıyq. Joǵarydaǵy aǵalar da zań aıasynda qolǵa alyp jatyr. Erteń Astanadan, IIM-nen adam keledi dep aıtyldy. Sol aıtarym. Balam óldi. Endi men basqa balalardyń bolashaǵy jaqsy bolsyn dep tileımin. Nıetim de, armanym da osy», – dedi ol.

Aıta keteıik, 4 qazanǵa qaraǵan túni Talǵarda jantúrshigerlik qylmys boldy. Qolynda pyshaq pen qarýy bar bir top jigit 16 jastaǵy Sherzat, ákesi men aǵasyna shabýyl jasaǵan.

Sherzattyń ákesi jalǵa dúken alyp, saýda jasaýmen aınalysatyn. Arty ólimmen aıaqtalǵan tóbeles osy dúkennen bastalǵan. Bir jigit dúkenge kelip, syra alyp, aqshasyn tólemeı kete barǵan. Sherzattyń ákesi syranyń aqshasyn tóleýdi talap etken kezde janjal týyndaǵan.

Sherzat osy sátte klıenttiń dúkennen shyǵyp ketýin suraǵan. Biraq syra alǵan jigit dostaryna qońyraý soǵyp, dúkenge úsh kólikpen bir top jigit kelgen. Bir top jigit Sherzatty tepkileı bastaǵan. Bul sátti turǵyndar vıdeoǵa túsirip alǵan. 10-synypta oqıtyn Sherzat ata-anasynyń dúkenine kezdeısoq kelgen. Sýyq qarýmen kelgen buzaqylar eshkimdi aıamapty. Qansyraǵan bir otbasynyń músheleri aýrýhanaǵa jetkizilgen. Kóp uzamaı Sherzat jansaqtaý bóliminde kóz jumǵan.

Qaza tapqan jigittiń ata-anasy polıeıler oqıǵaǵa qatysty adamnyń bárin ustamaǵanyn aıtyp, dabyl qaqqan.

Almaty oblysynyń polıııa departamenti kámeletke tolmaǵan balany óltirý faktisi boıynsha polıııa qylmystyq is qozǵaǵanyn habarlady. Oqıǵanyń barlyq qatysýshylary ustaldy jáne ýaqytsha ustaý ızolıatoryna qamaldy.

Oblystyq prokýratýra ókilderi bul oqıǵa jiti baqylaýda ekenin habarlady.