Qanysh Sátbaevtyń nemeresi ómirden ótti

Foto: facebook.com

Elimizdiń ǵylym salasyna ólsheýsiz úles qosqan, dara tulǵa, hımııa ǵylymdarynyń doktory, ǵalym Qanysh Sátpaevtaı urpaǵy Álıma Qaınekeıqyzy Jarmaǵambetova ómirden ozdy. Bul týraly Ǵylym jáne jolǵary bilim mınıstri Saıasat Nurbek jazdy, dep habarlady Qandastar.kz aqparat portaly. 

«О́tken aptada Qazaqstan ǵylymy orny tolmas qazaǵa ushyrady. Álıma Qaınekeıqyzy – hımııa ǵylymdarynyń doktory, Ulttyq ǵylym akademııasynyń Katalız jáne elektrohımııa ınstıtýtynda laboratorııa meńgerýshisi qyzmetin atqardy.

Álıma Jarmaǵambetova uzaq jyldar boıy D.V. Sokolskıı atyndaǵy Janarmaı, katalız jáne elektrohımııa ǵylymı-zertteý ınstıtýtynda túrli laýazymdardy abyroımen atqardy. Sońǵy jyldary organıkalyq katalız zerthanasynyń meńgerýshisi qyzmetin atqardy. Ol ınjenerden ınstıtýt basshysyna deıingi joldy júrip ótip, ǵylymǵa shynaıy berilgendigin kórsetti», — deıdi Saıasat Nurbek.

Ol júzdegen shákirt tárbıelep, magıstranttar men doktoranttarǵa «Kınetıka jáne katalız», «Ekologııalyq katalız», «Munaı hımııasy», «Polımermen turaqtandyrylǵan nanoqurylymdy katalızatorlar» syndy pánder boıynsha dáris oqyǵan.