«Qapastan shyqsa da, qanaty synbaǵan»: Muhamedjan Tazabek Murat Ábdildaǵa qoldaý bildirdi

Foto: Jeke paraqshadan alyndy

Belgili tálimger, aıtysker aqyn Muhamedjan Tazabek ultaralyq alaýyzdyq týdyrdy dep aıyptalyp, túrmeden shyqqan Murat Ábdildany kóp adamǵa úlgi etti. Bul týraly qandastar.kz Stan.kz aqparat agenttigi habarlaıdy.

Aıtyskerdiń sózinshe, jeli juldyzy shynaıy bolmysymen kópshiliktiń júregin jaýlap alǵan.

“Murat Ábdilda – qarapaıym halyqtyń naǵyz ókili. Áıtpese, elden erekshe, jurttan artyq eshteńe istegen joq. Biraq, kóptiń shynaıylyqqa degen suranysyna jaýap berdi. Jalpy, halqymyz ótirikten, jalǵan qarym-qatynastan sharshady. Kim ne aıtsa da “aldamasa eken, shynaıy bolsaq eken” degen ańsaý árkiniń júreginde tur. Murat sııaqty qapastan shyqsa da qanaty synbaǵan, minezi muqalmaǵan, qarapaıym halyqtyń qamyn oılap, kókeıindegisin dál aıtatyn baýyrlarymyz aman bolsyn!”, – dedi psıholog.

Aıta keteıik, jeli juldyzy “Qoǵam daýysy” podkastyna suhbat berip, kinásin tolyq moıyndaǵanymen, arandatýshylardyń toryna túsip qalǵanyn jasyrmaǵan edi.

“Buryn sońdy túrme kórmegensin, basynda qatty kúızeliske tústim. Basyma túsken is túsim sııaqty boldy. Balaǵat sóz aıtqanym úshin, qamalyp kettim. Negizi, arandatýshylardyń isi boldy. Bekerden beker eshkimdi boqtap sóılemeımin. Arandatýshylar shamaıyńa tıetin sóz aıtady, sondaı kezde men de esemdi jibermeımin. О́zimnen de qatelik ketti. Qamalǵanyma ózim ǵana kinálimin. О́ner adamynyń júregine salmaq bolatyn jaǵdaı ótti. Alla bárine tóreshi. Qamalyp ketken qıyn eken”, – degen edi ánshi.