قار ارالاس جاڭبىر جاۋادى: ەلدىڭ باسىم بولىگىندە كۇن رايى بۇزىلادى دەپ بولجام جاسالدى

قار مەن نوسەر جاڭبىر قازاقستانعا قايتا ورالادى. بۇل تۋرالى الداعى سەيسەنبى, 2025 جىلعى 27 مامىرعا ارنالعان اۋا رايى بولجامىندا ايتىلادى, دەپ حابارلايدى Skifnews.kz اقپارات پورتالى «قازگيدرومەت» رمك-نىڭ ءباسپاسوز قىزمەتىنە سىلتەمە جاساپ.

بولجامعا سايكەس, جاۋىن-شاشىنسىز اۋا رايى ەلىمىزدىڭ باتىسىندا, سولتۇستىك-باتىسىندا جانە وڭتۇستىگىندە عانا كۇتىلەدى.

«رەسپۋبليكامىزدىڭ باسىم بولىگىندە اتموسفەرالىق فرونتالدى بولىكتەردىڭ اسەرىنەن اۋا رايىنىڭ تۇراقسىز سيپاتى كۇتىلەدى: نايزاعاي ويناپ, جاڭبىر جاۋادى, تۇندە وبلىستىڭ سولتۇستىگىندە, شىعىسىندا جاۋىن-شاشىن (جاڭبىر, قار), ەلىمىزدىڭ شىعىسىندا قاتتى جاۋىن-شاشىن (جاڭبىر, قار), وڭتۇستىك-شىعىستا نوسەر جاڭبىر جاۋادى… رەسپۋبليكامىز بويىنشا ورتاق تابيعي قۇبىلىسقا جەلدىڭ كۇشەيۋى جاتادى. ەلىمىزدىڭ باتىسىندا, وڭتۇستىگىندە شاڭدى داۋىل تۇرادى, سولتۇستىگىندە, سولتۇستىك-باتىسىندا, ورتالىعىندا تۇندە جانە تاڭەرتەڭ تۇمان بولادى».»قازگيدرومەت» رمك

سونداي-اق, كۇندىز جەتىسۋ وبلىسىنىڭ الاكول كولدەرى اۋدانىندا سوققان جەلدىڭ ەكپىنى 30 م/س جانە ودان دا اسادى دەپ كۇتىلەدى.

«تۇندە سولتۇستىك قازاقستان وبلىسىنىڭ سولتۇستىك-شىعىسىندا, اقتوبە وبلىسىنىڭ سولتۇستىگىندە, پاۆلودار, شىعىس قازاقستان وبلىستارىنىڭ شىعىسىندا, قاراعاندى وبلىسىنىڭ شىعىسىندا, اباي وبلىسىنىڭ باتىسىندا, سولتۇستىگىندە, اقمولا, قوستاناي وبلىستارىنىڭ شىعىسىندا توپىراق بەتى قاتىپ, 1-2°س سۋىق بولادى, ۇسىك جۇرەدى دەپ كۇتىلەدى».»قازگيدرومەت» رمك

سونىمەن قاتار, گيدرومەتەورولوگيالىق ورتالىق مىنانداي دا قاۋىپتى قۇبىلىستار تۋرالى ەسكەرتەدى:

• ءورت قاۋپى جوعارى — جەتىسۋ وبلىسىنىڭ شىعىسىندا, قىزىلوردا ءوڭىرىنىڭ ورتالىعىندا, سولتۇستىگىندە, ماڭعىستاۋ وبلىسىنىڭ باتىسىندا, اقتوبە ءوڭىرىنىڭ باتىسىندا, وڭتۇستىگىندە, پاۆلودار وبلىسىنىڭ شىعىسىندا, ورتالىعىندا, جامبىل وبلىسىنىڭ سولتۇستىگىندە, وڭتۇستىگىندە, باتىس قازاقستان وبلىسىنىڭ وڭتۇستىك-شىعىسىندا, اتىراۋ ءوڭىرىنىڭ باتىسىندا, سولتۇستىگىندە, شىعىسىندا, تۇركىستان وبلىسىنىڭ وڭتۇستىگىندە, الماتى وبلىسىنىڭ ورتالىعىندا, اباي وبلىسىنىڭ وڭتۇستىك-شىعىسىندا;
• توتەنشە ءورت قاۋپى — قىزىلوردا وڭىرىندە, تۇركىستان وبلىسىنىڭ سولتۇستىگىندە, شولەيتتى, تاۋ بوكتەرىندەگى اۋداندارىندا, جامبىل وبلىسىنىڭ باتىسىندا, شىعىسىندا, قوستاناي ءوڭىرىنىڭ وڭتۇستىگىندە, اقتوبە وبلىسىنىڭ وڭتۇستىك-شىعىسىندا, اتىراۋ ءوڭىرىنىڭ وڭتۇستىگىندە, باتىسىندا, الماتى وبلىسىنىڭ سولتۇستىگىندە, پاۆلودار, شىعىس قازاقستان وبلىستارىنىڭ وڭتۇستىك-شىعىسىندا, جەتىسۋ وبلىسىندا, اباي ءوڭىرىنىڭ وڭتۇستىگىندە جانە ۇلىتاۋ وبلىسىندا.