جاڭالىقتار
قاراعاندى اكىمدىگى 20 ملن تۇراتىن قىزمەتتىك كولىك ساتىپ العان
فوتو: اشىق دەرەككوز
قاراعاندى وبلىسىنىڭ قۇرىلىس جانە ساۋلەت باسقارماسى قۇنى 20,5 ميلليون تەڭگە تۇراتىن قىمباتتى قىزمەتتىك كولىك ساتىپ العانى حابارلاندى, دەپ جازدى qandastar.kz
مەمساتىپ الۋ سايتىنداعى دەرەككە قاراعاندا, اپتوكولىك نۇرلان سماعۇلوۆقا تيەسىلى «استانا موتورس» كومپانياسىنىڭ قاراعاندى فيليالىنان الىنعان.
تەحنيكالىق سيپاتتاما بويىنشا تەمىر تۇلپار سۇر ءتۇستى, جىلى ءجاپ-جاڭا, قوزعالتقىش كولەمى 2,5 GDI, D-كلاسسىنىڭ ساناتىنا جاتادى.
اشكەرە تەلەگرام ارناسى بولىسكەندەي, مەملەكەتتىك ساتىپ الۋ تۋرالى حابارلاندىرۋ 18 اقپاندا جاريالانىپ, ەكى كۇننەن كەيىن تەندەرگە ەشكىم قاتىسپاعاندىقتان, ساتىپ الۋ ءبىر كوزدەن جۇزەگە اسىرىلعان.
ايتا كەتەلىك, وسى وتكەن ايدا عانا پرەزيدەنت توقاەۆ ۇكىمەت پەن وعان باعىنىشتى ورگاندارعا بيۋدجەت قاراجاتىن قاتاڭ ۇنەمدەۋ كەرەك ەكەنىن ەسكەرتىپ, «كورپەگە قاراي كوسىلۋگە» شاقىرعان.
