Qaraǵandy ákimdigi 20 mln turatyn qyzmettik kólik satyp alǵan

Foto: ashyq derekkóz

Qaraǵandy oblysynyń qurylys jáne sáýlet basqarmasy quny 20,5 mıllıon teńge turatyn qymbatty qyzmettik kólik satyp alǵany habarlandy, dep jazdy qandastar.kz

Memsatyp alý saıtyndaǵy derekke qaraǵanda, aptokólik Nurlan Smaǵulovqa tıesili «Astana Motors» kompanııasynyń Qaraǵandy fılıalynan alynǵan. 

Tehnıkalyq sıpattama boıynsha temir tulpar sur tústi, jyly jáp-jańa, qozǵaltqysh kólemi 2,5 GDI, D-klassynyń sanatyna jatady.

Áshkere telegram arnasy bóliskendeı, memlekettik satyp alý týraly habarlandyrý 18 aqpanda jarııalanyp, eki kúnnen keıin tenderge eshkim qatyspaǵandyqtan, satyp alý bir kózden júzege asyrylǵan.

Aıta ketelik, osy ótken aıda ǵana prezıdent Toqaev Úkimet pen oǵan baǵynyshty organdarǵa bıýdjet qarajatyn qatań únemdeý kerek ekenin eskertip, «kórpege qaraı kósilýge» shaqyrǵan.