جاڭالىقتار
قاراعاندى زاۋىتىنداعى اپات: تجم وكىلى زارداپ شەككەندەرگە كومەكتەسۋگە رۇقسات ەتىلمەگەنىن ءمالىم ەتتى
فوتو: اشىق دەرەككوز
توتەنشە جاعدايلار ۆيتسە-ءمينيسترى باۋىرجان سىزدىقوۆ قاراعاندىداعى فەرروقورىتپا زاۋىتىنداعى ءتورت جۇمىسشى قازا تاپقان اپات كەزىندە زاۋىت ايماعىنا قۇتقارۋشىلاردى كىرگىزبەگەنىن ايتتى. بۇل تۋرالى KAZ.NUR.KZ ءتىلشىسى حابارلايدى.
ۇكىمەت وتىرىسىندا باۋىرجان سىزدىقوۆ فەرروقورىتپا زاۋىتىنداعى وقيعا ساعات 04:10-دا بولعانىن ەسكە سالدى. «وكىنىشكە قاراي, بىزگە حابارلاما ەكى ساعاتتان كەيىن, ياعني ساعات 06:08-دە كەلدى», – دەدى ول. بۇل رەتتە ۆيتسە-مينيستر قۇتقارۋشىلاردى زاۋىت اۋماعىنا كىرگىزبەگەنىن اتاپ ءوتتى.
«مۇنداي نىسانداردىڭ اۋماعىندا وزدەرىنىڭ جەكە قۇتقارۋ بولىمشەلەرى بار, ولار ءوزىمىز اپاتتىڭ الدىن الىپ, رەتتەيمىز دەپ ەسەپتەدى. بىراق, شاقىرتۋ ءتۇسىپ, ءبىزدىڭ قۇتقارۋشىلار كەلدى. ولار زاۋىتقا كىرگىزۋگە مىندەتتى ەدى. زاۋىتتىڭ توتەنشە جاعدايلار مينيسترلىگى وكىلەدرىن كىرگىزبەۋگە قۇقىعى بولماعاندىقتان, اكىمشىلىك ءىس قوزعالدى. مۇنداي قۇقىق بۇزۋشىلىققا 200 اەك (739 مىڭ تەڭگە) مولشەرىندە ايىپپۇل تولەنەدى» , – دەدى ۆيتسە-مينيستر.
ەسكە سالساق, 20 شىلدە تاڭعى ساعات 04:10-دا قاراعاندىداعى YDD Corporation فەرروقورىتپا زاۋىتىندا اپات بولىپ, كاسىپورىننىڭ 8 جۇمىسشىسى اۋرۋحاناعا جەتكىزىلگەنىن جازعان ەدىك. زاۋىت وكىلدەرى زارداپ شەككەن جۇمىسكەرلەردىڭ بارلىعىنا شۇعىل مەديتسينالىق كومەك كورسەتىلىپ جاتقانىن مالىمدەدى.
كەيىن پوليتسيا وكىلدەرى وسى جايت بويىنشا قىلمىستىق كودەكسىنىڭ 156-بابى 2-بولىگى – «ابايسىزدا دەنساۋلىققا اۋىر زيان كەلتىرۋگە اكەپ سوققان ەڭبەك قاۋىپسىزدىگى ەرەجەلەرىن بۇزۋ» بويىنشا قىلمىستىق ءىس قوزعالعانىن حابارلادى. زارداپ شەككەندەر پروفەسسور ج.ماقاجانوۆ اتىنداعى كوپسالالى اۋرۋحاناعا جەتكىزىلدى. كەيىن 22 شىلدەدى قاراعاندىدا فەرروقورىتپا زاۋىتىندا توتەنشە جاعداي كەزىندە زارداپ شەككەن جۇمىسشىلاردىڭ ءبىرى اۋرۋحانادا قايتىس بولدى.
24 شىلدەدە زارداپ شەككەن تاعى ءبىر جۇمىسشىنىڭ دەنەسىن 90 پايىز كۇيىك شالعان 1999 جىلى تۋعان ازاماتتىڭ قايتىس بولعانى بەلگىلى بولدى. 25 شىلدەدە زاۋىتتىڭ 1981 جانە 1987 جىلى تۋعان تاعى ەكى قىزمەتكەرى ەسىن جيماي اۋرۋحانادا كوز جۇمدى. تورتەۋى اۋىر حالدە ەكەنى حابارلاندى. سوىنمەن قاتار دەنساۋلىق ساقتاۋ مينيسترلىگى زارداپ شەككەن جۇمىسشىلاردىڭ نەلىكتەن «گازەل» كولىگىمەن تاسىمالدانعانىن تۇسىندىرسە, وبلىس اكىمى ەرماعانبەت بولەكپاەۆ تا وقيعانىڭ تەرگەۋ بارىسىنا توقتالدى. پرەمەر-مينيستر ولجاس بەكتەنوۆ قاراعاندىداعى زاۋىتتاعى توتەنشە جاعدايدى تەرگەۋدى جەكە باقىلاۋىنا الدى.
