دەنساۋلىقجاڭالىقتار
قاراعاندىدا 1 جاسار ءسابي 12 ماگنيت جۇتىپ قويعان
قاراعاندىلىق دارىگەرلەر 12 ماگنيت مونشاعىن جۇتىپ قويعان ءبىر جارىم جاسار ءسابيدى امان الىپ قالدى, دەپ حابارلايدى Qandastar.kz
ءىشى قاتتى اۋىرىپ جاتقانىن جىلاپ جەتكىزگەن ءبۇلدىرشىندى اتا-اناسى دەرەۋ وبلىستىق كوپسالالى بالالار اۋرۋحاناسىنا اكەلىپتى.
دارىگەرلەر ونىڭ اسقازانىنان جىلان پىشىندەس 12 ماگنيت مونشاق بارىن انىقتاعان. دارىگەرلەردىڭ ايتۋىنشا, ءبىر قاراعاندا جاي ويىنشىق سەكىلدى كورىنەتىن بۇل ماگنيت مونشاقتاردى بالا بايقاۋسىز جۇتىپ قويسا, دەنساۋلىعىنا ايتارلىقتاي زيان كەلتىرۋى مۇمكىن.
ءبىر جارىم جاسار ناۋقاستىڭ اعزاسىنا تۇسكەن بۇل ماگنيتتەر ءبىر-بىرىنە تارتىلىپ, تىندەردى قىسىپ, جىرتقان. بالاعا شۇعىل وتا جاساعان دارىگەرلەر ونىڭ جاعدايى قازىر تۇراقتى دەيدى.
«شۇعىل وتا جاسالىپ, بارلىق ماگنيت الىندى. قازىر بالانىڭ جاعدايى تۇراقتى, جانساقتاۋ بولىمىنەن جالپى پالاتاعا اۋىستىرىلدى. وسى ورايدا اتا-انالارعا ەسكەرتىپ, قۇلاققىعىس قىلىپ ايتا كەتكىم كەلەدى: دۇكەندەردەن مۇنداي ماگنيتتى ساتىپ الماعان ءجون, سەبەبى ول بالانىڭ دەنساۋلىعىنا ايتارلىقتاي زيان كەلتىرەدى», — دەيدى بالالار حيرۋرگى بەيبىت بەردىبەكوۆ.
