Qaraǵandyda 1 jasar sábı 12 magnıt jutyp qoıǵan

Qaraǵandylyq dárigerler 12 magnıt monshaǵyn jutyp qoıǵan bir jarym jasar sábıdi aman alyp qaldy, dep habarlaıdy Qandastar.kz

Ishi qatty aýyryp jatqanyn jylap jetkizgen búldirshindi ata-anasy dereý oblystyq kópsalaly balalar aýrýhanasyna ákelipti.

Dárigerler onyń asqazanynan jylan pishindes 12 magnıt monshaq baryn anyqtaǵan. Dárigerlerdiń aıtýynsha, bir qaraǵanda jaı oıynshyq sekildi kórinetin bul magnıt monshaqtardy bala baıqaýsyz jutyp qoısa, densaýlyǵyna aıtarlyqtaı zııan keltirýi múmkin.

Bir jarym jasar naýqastyń aǵzasyna túsken bul magnıtter bir-birine tartylyp, tinderdi qysyp, jyrtqan. Balaǵa shuǵyl ota jasaǵan dárigerler onyń jaǵdaıy qazir turaqty deıdi.

«Shuǵyl ota jasalyp, barlyq magnıt alyndy. Qazir balanyń jaǵdaıy turaqty, jansaqtaý bóliminen jalpy palataǵa aýystyryldy. Osy oraıda ata-analarǵa eskertip, qulaqqyǵys qylyp aıta ketkim keledi: dúkenderden mundaı magnıtti satyp almaǵan jón, sebebi ol balanyń densaýlyǵyna aıtarlyqtaı zııan keltiredi», — deıdi balalar hırýrgi Beıbit Berdibekov.