جاڭالىقتار
قاراعاندىدا Chevrolet Cobalt جۇرگىنشىنى قاعىپ كەتتى
22 ماۋسىمدا ن.ءابدىروۆ داڭعىلىندا 65 جاستاعى Chevrolet Cobalt جۇرگىزۋشىسى گوگول كوشەسىنە قاراي كەلە جاتىپ, جاياۋ جۇرگىنشىنى قاعىپ كەتكەن, دەپ حابارلايدى Qandastar.kz اقپارات پورتالى.
زارداپ شەككەن — 36 جاستاعى ايەل. ول جاقىن ماڭداعى مەديتسينالىق مەكەمەگە شۇعىل تۇردە جەتكىزىلدى.
بەينەجازبادا ايەل ادامنىڭ جاياۋ جۇرگىنشىلەر وتكەلىنەن جۇگىرىپ وتۋگە ارەكەتتەنگەنى كورىنەدى. سونداي-اق وقيعا ورنىنا جاقىن ماڭدا پوليتسيا كولىگى تۇرعانى بايقالادى.
قاراعاندى وبلىستىق پد ءباسپاسوز قىزمەتىنىڭ حابارلاۋىنشا, بۇل فاكت تىركەلىپ, قازىرگى ۋاقىتتا وقيعانىڭ بارلىق ءمان-جايى انىقتالۋدا.
پوليتسيا قىزمەتكەرلەرى جۇرگىزۋشىلەردى, اسىرەسە جاياۋ جۇرگىنشىلەر وتكەلىنىڭ ماڭىندا, اسا مۇقيات بولۋعا شاقىرادى. سونىمەن قاتار, قالا ىشىندە جىلدامدىق رەجيمىن جانە جول ءجۇرۋ ەرەجەلەرىن ساقتاۋ قاجەتتىگىن ەسكەرتەدى.
