جاڭالىقتار
قاراعاندىدا ەسىرتكى تاسىمالداعان اسكەري كوماندير ۇستالدى
فوتو: اشىق دەرەككوز
اۆتوكولىكتى تەكسەرۋ بارىسىندا اسا ءىرى مولشەردەگى ەسىرتكى زاتتارى تابىلعان, دەپ حابارلايدى qandastar.kz
«اۆتوكولىكتى تەكسەرگەن كەزدە جۇكسالعىشىنان اق ءتۇستى ۇنتاق سالىنعان 18 پاكەت شىقتى. پاكەتتەردىڭ جالپى سالماعى 12 كەلىنى قۇرادى. وقيعا ورنىنا شاقىرىلعان جەدەل-تەرگەۋ توبى تىيىم سالىنعان زات ەكەنىن انىقتادى», – دەدى ۆەدومستۆو.
بۇقارالىق اقپارات قۇرالدارىندا ۇستالعان كۇدىكتىنىڭ اسكەري گارنيزوننىڭ كومانديرى ەكەنى ايتىلۋدا. پوليتسيا دەپارتامەنتى كۇدىكتىنىڭ كىم ەكەنىن ناقتىلاعان جوق. ونىڭ قازىر ۋاقىتشا ۇستاۋ يزولياتورىنا قامالعانى عانا بەلگىلى.
