جاڭالىقتار
قاراعاندىدا مەملەكەتتىك كىرىستەر دەپارتامەنتى باسقارما باسشىلارى سوتتالدى
فوتو: اشىق دەرەككوز
قاراعاندى قالاسىندا وبلىستىق مەملەكەتتىك كىرىستەر دەپارتامەنتى باسقارمالارىنىڭ باسشىلارى م. اقبيەۆ, ب. مۇقاشەۆ, سونداي-اق سىرتقى ەكونوميكالىق قىزمەت سۋبەكتىلەرى ا. بالاتسكايا, ح. بەكيشەۆ, ن. بەكشين جانە ي. اندريەنكو سوتتالدى, دەپ جازدى qandastar.kz
turkystan.kz حابارلاعانداي, باس پروكۋراتۋرانىڭ اقپاراتىنشا, لاۋازىمدى تۇلعالار كەدەندىك باقىلاۋ سالاسىنداعى جول بەرىلگەن بۇزۋشىلىقتار بويىنشا اكىمشىلىك جاۋاپتىلىققا تارتپاعانى ءۇشىن كاسىپكەرلەردەن بىرنەشە رەت پارا العانى ءۇشىن كىنالى دەپ تانىلدى.
«اقبيەۆ پەن مۇقاشەۆكە تيىسىنشە 21,7 ملن تەڭگە جانە 2,5 ملن تەڭگە كولەمىندە ايىپپۇل تۇرىندە جازا تاعايىندالدى.
وسى ۇكىممەن پارا بەرۋشىلەر ا. بالاتسكايا, ح. بەكيشەۆ, ن. بەكشين جانە ي. اندريەنكو 540 مىڭنان 3 ملن تەڭگەگە دەيىنگى ايىپپۇلدارعا سوتتالدى.
سونىمەن قاتار, سوتتالعاندارعا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويى تىيىم سالىنادى», – دەلىنگەن حابارلامادا.
