جاڭالىقتار
قاراعاندىدا وندىرىستىك جاراقاتتانۋدىڭ 106 جاسىرىلعان جاعدايى انىقتالدى
فوتو:istockphoto.com
قاراعاندى وبلىسىندا وندىرىستىك جاراقاتتانۋدىڭ 106 جاسىرىلعان جاعدايى انىقتالدى. بۇل فاكتىلەر پوليتسيا مەن مەديتسينالىق مەكەمەلەر دەرەكتەرىن سالىستىرۋ بارىسىندا بەلگىلى بولدى, دەپ جازدى qandastar.kz
ماسەلە وبلىس پروكۋرورى باۋىرجان مىرزاكەروۆتىڭ توراعالىعىمەن وتكەن ۇيلەستىرۋ كەڭەسىندە تالقىلاندى. ونىڭ ايتۋىنشا, كاسىپورىندار جاراقاتتاردى تىركەپ قانا قويماي, قاۋىپتى ەڭبەك جاعدايلارىن جويۋعا دا مىندەتتى. الايدا بۇل باعىتتاعى باقىلاۋ ءالسىز كۇيىندە قالىپ وتىر.
پروكۋراتۋرا جۇمىس ورىندارىن اتتەستاتسيالاۋ ماسەلەسىنە ەرەكشە نازار اۋداردى. ءدال وسى اتتەستاتسيا ناتيجەسىندە جاراقات الۋ قاۋپى جوعارى ايماقتار انىقتالىپ, قاۋىپسىزدىك شارالارى ازىرلەنەدى. الايدا ۋاكىلەتتى ورگاندار اتتەستاتسيانىڭ قالاي جۇرگىزىلەتىنىن ءىس جۇزىندە قاداعالامايتىنى بەلگىلى بولدى. كەيبىر جاعدايلاردا ەسەپتەردى اككرەديتتەلمەگەن ۇيىمدار دايىنداعان.
ماسەلەنى شەشۋ ءۇشىن جۇمىس توبى قۇرىلىپ, ءىس-شارالار جوسپارى بەكىتىلدى. وندىرىستەگى قاۋىپسىزدىك ماسەلەلەرى باقىلاۋعا الىندى.
