جاڭالىقتار
قاراعاندىدا پويىز اپاتقا ۇشىرادى
فوتو: Pixabay
وقيعا اقادىر – قاراعاندى ۋچاسكەسىنىڭ جارىق-داريا ارالىعىنداعى كۇزەتىلمەيتىن رەتتەلەتىن تەمىرجول وتكەلىندە بولعان, دەپ جازدى qandastar.kz
قتج ءباسپاسوز قىزمەتى تاراتقان اقپاراتقا سەنسەك, 92 كم/ساع جىلدامدىقپەن ءجۇرىپ كەلە جاتقان جولاۋشىلار پويىزىنىڭ ءماشينيسى Mazda ماركالى جەڭىل اۆتوكولىكتىڭ جولعا شىعۋىنا بايلانىستى شۇعىل تەجەۋدى قولدانعان. الايدا سوقتىعىسۋدىن الدىن الۋ مۇمكىن بولماعان.
اۆتوكولىك جۇرگىزۋشىسى مەن ەكى جولاۋشى اۋىر جاراقاتتان كوز جۇمدى. وقيعا تۋرالى اقپارات قۇقىق قورعاۋ ورگاندارىنا بەرىلدى.
«قتج «ۇك» اق قازا تاپقانداردىڭ تۋىستارى مەن جاقىندارىنا كوڭىل ايتادى جانە جول قوزعالىسىنىڭ بارلىق قاتىسۋشىلارىن تەمىرجول وتكەلدەرىنىڭ ءجۇرۋ ەرەجەلەرىن قاتاڭ ساقتاۋعا شاقىرادى. تۇندە اپات قاۋپى ارتقان كەزدە ەرەكشە نازار اۋدارۋ قاجەت,-دەلىنگەن مالىمەتتە.
