قاراعاندىدا QAZPROPERTY قاۋىمداستىعى مەن بيزنەس-قوعامداستىق وكىلدەرىنىڭ كەزدەسۋى ءوتتى

فوتو: جەكە قورىنان

قاراعاندى قالاسىندا QAZPROPERTY كوممەرتسيالىق جىلجىمايتىن م ۇلىك نارىعىنىڭ قاتىسۋشىلارى قاۋىمداستىعىنىڭ ۇيىمداستىرۋىمەن ىسكەرلىك كەزدەسۋ ءوتتى. كەزدەسۋدىڭ نەگىزگى تاقىرىبى – اسسوتسياتسيانىڭ دامۋ كەلەشەگى مەن قاراعاندى وبلىسىنىڭ بيزنەس-قوعامداستىعىمەن ديالوگتى نىعايتۋ ماسەلەلەرى بولدى, دەپ جازدى qandastar.kz

ءىس-شاراعا «اتامەكەن» ۇكپ وڭىرلىك پالاتاسىنىڭ وكىلدەرى, دەۆەلوپەرلەر, كوممەرتسيالىق جىلجىمايتىن م ۇلىك نىساندارىنىڭ يەلەرى مەن باسقارۋشىلارى, سونداي-اق QAZPROPERTY قاۋىمداستىعىنىڭ مۇشەلەرى مەن سەرىكتەستەرى قاتىستى.

قاتىسۋشىلار كوممەرتسيالىق جىلجىمايتىن م ۇلىك نارىعىنىڭ دامۋىنا قاتىستى وزەكتى ماسەلەلەردى تالقىلادى. اسىرەسە وڭىرلىك ەرەكشەلىكتەر, جاھاندىق ۇردىستەر جانە تۇراقتى ءارى كاسىبي سالانى قالىپتاستىرۋداعى اسسوتسياتسيانىڭ ستراتەگيالىق ءرولى ءسوز بولدى. سونىمەن قاتار زاڭنامالىق رەتتەۋ, مەملەكەتتىك ورگاندارمەن ءوزارا ءىس-قيمىل جانە سالانىڭ مۇددەلەرىن ۇلتتىق دەڭگەيدە ىلگەرىلەتۋ ماسەلەلەرىنە ەرەكشە نازار اۋدارىلدى.

ءىس-شارا اياسىندا حالىقارالىق كوممەرتسيالىق جىلجىمايتىن م ۇلىك كونگرەسىنە دايىندىق بارىسى مەن شەتەلدىك سەرىكتەستەرمەن ىنتىماقتاستىقتىڭ جاڭا فورماتتارى دا تالقىلاندى. بۇدان بولەك, قاتىسۋشىلار جىلجىمايتىن م ۇلىك سالاسىنداعى جۇمىسشى ماماندىقتاردى دامىتۋ جانە ولاردىڭ جاستار اراسىنداعى تارتىمدىلىعىن ارتتىرۋ شارالارىن ءسوز ەتتى.

كەزدەسۋ سۇراق-جاۋاپ سەسسياسىمەن جانە قاتىسۋشىلاردىڭ تاجىريبە الماسىپ, جاڭا ىسكەرلىك بايلانىستار ورناتۋىنا مۇمكىندىك بەرگەن بەيرەسمي نەتۆوركينگپەن اياقتالدى.

QAZPROPERTY قاۋىمداستىعى مەملەكەتتىك ورگاندارمەن تىعىز بايلانىستا جۇمىسىن جالعاستىرىپ, نورماتيۆتىك-قۇقىقتىق بازانى جەتىلدىرۋگە بەلسەندى اتسالىسىپ كەلەدى. سونىمەن قاتار كاسىبي ستاندارتتار مەن ءبىلىم بەرۋ باستامالارىن ەنگىزۋ ارقىلى اشىق, تۇراقتى جانە باسەكەگە قابىلەتتى سالانى قالىپتاستىرۋعا ۇلەس قوسىپ وتىر.

ايماقتىق ديالوگتى جالعاستىرۋ اياسىندا اسسوتسياتسيا ەلىمىزدىڭ وزگە دە وڭىرلەرىندە وسىنداي ءىس-شارالار وتكىزۋدى جوسپارلاپ وتىر. جاقىن ۋاقىتتا قوستاناي وبلىسىندا جەرگىلىكتى بيزنەس-قوعامداستىقپەن جۇزدەسۋ كوزدەلۋدە.