Qaraǵandyda turǵyn úı órtenip, 2 bala qaza tapty

Foto: istockphoto.com

Túnde Prıshahtınskaıa kóshesindegi eki páterli turǵyn úı órtendi. Qutqarýshylar úıden 2020 jáne 2022 jyly týǵan balalardyń máıitin tapty, dep jazdy qandastar.kz

Tótenshe jaǵdaılar departamentiniń málimetinshe, 2017 jáne 2015 jylǵy eki bala órt sóndirýshiler kelgenshe ózdiginen shyǵyp úlgergen. Kómirqyshqyl gazyna ýlanǵan ekeýi jáne 1964 jyly týǵan áıel de klınıkalyq aýrýhanaǵa jetkizildi.

«О́rtke qatysty qylmystyq is qozǵalyp, saraptama taǵaıyndaldy», – dep qorytyndylady vedomstvo.

О́rttiń aldyn ala sebebi – elektr symdaryndaǵy qysqa tuıyqtalý.