قاراعاندىدا ۇقك-ءنىڭ بۇرىنعى قىزمەتكەرى ناۋقاس قىزدىڭ ەمىنە جينالعان اقشانى «جىمقىردى»

فوتو: اشىق دەرەككوز

قاراعاندىدا ۇقك-ءنىڭ بۇرىنعى قىزمەتكەرى ناۋقاس بالانىڭ ەمىنە جينالعان اقشانى جىمقىردى دەگەن كۇدىككە ءىلىندى, دەپ جازادى qandastar.kz ينفورمبيۋرو باعدارلاماسىنا سىلتەمە جاساپ.

قاراعاندىلىق زاڭگەر اسحات سۇلۋبەكتىڭ ايتۋىنشا, ۇلتتىق قاۋىپسىزدىك كوميتەتى قاراعاندى ​​وبلىسى بويىنشا دەپارتامەنتىنىڭ بۇرىنعى قىزمەتكەرى الماس ماحانوۆ جۇبايىمەن بىرگە 6 ايدىڭ ىشىندە 9 جىلجىمايتىن م ۇلىك, ونىڭ ىشىندە استانانىڭ ورتالىعىندا 6 پاتەر جانە 19 ليۋكس كولىك ساتىپ العان. ال بۇعان دەيىن ەرلى-زايىپتىلار قىزدارىن كورەيادا ەمدەتۋ ءۇشىن 135 ميلليون تەڭگە جيناعان. سابيگە قان قاتەرلى ىسىگى دياگنوزى قويىلعان ەكەن.

«بۇل جەردە ولار بۇل م ۇلىكتى قانداي قاراجاتقا جانە نە ءۇشىن ساتىپ الدى دەگەن سۇراق تۋىندايدى. مەنىڭ ويىمشا, تەكسەرىلۋى كەرەك”, –  دەيدى زاڭگەر اسحات سۇلۋبەك.

الايدا, ەرلى-زايىپتىلار شىنىندا دا قىزىن وڭتۇستىك كورەياعا اپارىپ, اۋرۋدان ەمدەلىپ كەلگەن. بارلىق اقپارات الەۋمەتتىك جەلىلەردە جاريالانعان. الماس ماحانوۆتىڭ ءوزى تۇسىنىكتەمە بەرىپ, قىزى اۋىرىپ قالعاندا بارىن ساتىپ, نەسيە العانىن, الايدا ول اقشانىڭ جەتپەگەنىن ايتتى. سوندىقتان ەلدەن كومەك سۇراعان. قارىزىن وتەۋ ءۇشىن الماس ماحانوۆ الىپ-ساتۋ ارقىلى اقشا تابۋدى جوسپارلاعان.

“جىلجىمايتىن م ۇلىك ساتىپ الامىن, قايتا ساتامىن, كولىك ساتىپ الامىن, قايتا ساتامىن. مەن دوستارىمنان اقشا الدىم, سول اقشانى پايدالاندىم, اقشا تاپتىم, دوستارىما پايىزىمەن تولەدىم. الاياق ىزدەپ جاتساڭىزدار, الاياقتىق جوق”, – دەيدى ۇقك-ءنىڭ بۇرىنعى قىزمەتكەرى الماس ماحانوۆ.

الماس ماحانوۆتىڭ ايتۋىنشا, ول پاتەرلەر مەن كولىكتەردى ساتىپ, اقشاسىن قارىز بەرۋشىلەرگە قايتارماق.

«ءۇمىت ساۋلەسى» بالالار مەن مۇگەدەكتەرگە كومەك كورسەتۋ ورتالىعىنىڭ جەتەكشىسى تاتيانا كراۆچەنكو ەلدە قايىرىمدىلىق ارقىلى اقشا تابۋدىڭ سحەمالارى ءجيى كەزدەسەتىنىن ايتادى. ونىڭ ايتۋىنشا, اتا-انالار بالالارىنىڭ ەمدەلۋىنە اقشا جيناۋدى ءوتىنىپ اي سايىن كەلەدى ەكەن, الايدا دالەل سۇراعاندا ارىزدانۋشىلار ءىز-ءتۇزسىز جوعالىپ كەتەتىن كورىنەدى.

ەسكە سالساق, بۇعان دەيىن ء“بىز بىرگەمىز” قوعامدىق قايىرىمدىلىق قورىنىڭ قۇرىلتايشىسى پەريزات قايرات سۋ تاسقىنىنان زارداپ شەككەندەرگە جينالعان 1,5 ميلليارد تەڭگەنى جىمقىردى دەگەن كۇدىكپەن ۇستالعان ەدى.