جاڭالىقتار
قاراعاندىدا جەدەل جاردەم كولىگىندە ءجاسوسپىرىم كوز جۇمدى
دامير بۋلۋمباەۆ 21 قاڭتاردا دەنساۋلىعىنا قاتىستى العاش رەت شاعىمدانعان. ءبىر كۇننەن كەيىن ءجاسوسپىرىمنىڭ اناسى دارىگەردى ۇيىنە شاقىرتادى. تەكسەرۋ كەزىندە تاماقتىڭ قىزارعانى انىقتالىپ, جاسوسپىرىمگە سۋىق تيۋ دياگنوزى بويىنشا ەم تاعايىندالادى. الايدا اپتانىڭ اياعىندا ونىڭ جاعدايى كۇرت ناشارلايدى. سەنبى, 25 قاڭتاردا اناسى بالاسىن اۋرۋحاناعا ءوزى اپارادى, بىراق ناۋقاسقا سۋىق تيۋگە قارسى تاعايىندالعان ەم-دومدى جالعاستىرۋ كەرەكتىگىن ايتقان ول اراداعىلار انالى-بالالىنى ەسىكتەن شىعارىپ سالادى. كەشكە بالا بالتىرىنىڭ قاتتى اۋىرسىنۋى مەن ءبىر قولىنىڭ ىسىنۋىنە شاعىمدانا باستايدى.
«اۋىرسىنۋدى جەڭىلدەتۋ ءۇشىن اناسى وعان ماسساج جاسادى. جەدەل جاردەم شاقىردى. فەلدشەر تاماعى ءالى دە قىزارىپ تۇرعانىن ايتىپ, اۋرۋدى باسۋ ءۇشىن سپازموليتيكالىق ينەكتسيا جاسادى. ينەكتسيادان كەيىن ءداميردىڭ تىنىس جيىلەي تۇسكەن, فەلدشەر اناسىن تىنىشتاندىرىپ, بۇل پسيحوسوماتيكا ەكەنىن, ناۋقاستى اۋرۋحاناعا جاتقىزۋعا ەش نەگىز جوق ەكەنىن ايتقان. كەلەسى كۇنى تاڭەرتەڭ ونىڭ شاپ ايماعىندا اۋىرسىنۋ پايدا بولىپ, اناسى جەدەل جاردەمگە قايتا قوڭىراۋ شالدى. بريگادا جارتى ساعاتتان كەيىن كەلدى, دامير بۇل كەزدە وتە ناشار جاعدايدا بولدى. ولار ونى اۋرۋحاناعا جاتقىزۋ تۋرالى شەشىم قابىلدادى, بىراق ءجاسوسپىرىم جەدەل جاردەم كولىگىندە جان تاپسىردى», – دەدى بالانىڭ اپكەسى ءاليا بۋلۋمباەۆا.
