Qaraǵandyda jedel járdem kóliginde jasóspirim kóz jumdy

Damır Býlýmbaev 21 qańtarda densaýlyǵyna qatysty alǵash ret shaǵymdanǵan. Bir kúnnen keıin jasóspirimniń anasy dárigerdi úıine shaqyrtady. Tekserý kezinde tamaqtyń qyzarǵany anyqtalyp, jasóspirimge sýyq tııý dıagnozy boıynsha em taǵaıyndalady. Alaıda aptanyń aıaǵynda onyń jaǵdaıy kúrt nasharlaıdy. Senbi, 25 qańtarda anasy balasyn aýrýhanaǵa ózi aparady, biraq naýqasqa sýyq tııýge qarsy taǵaıyndalǵan em-domdy jalǵastyrý kerektigin aıtqan ol aradaǵylar analy-balalyny esikten shyǵaryp salady. Keshke bala baltyrynyń qatty aýyrsynýy men bir qolynyń isinýine shaǵymdana bastaıdy.

«Aýyrsynýdy jeńildetý úshin anasy oǵan massaj jasady. Jedel járdem shaqyrdy. Feldsher tamaǵy áli de qyzaryp turǵanyn aıtyp, aýrýdy basý úshin spazmolıtıkalyq ınekııa jasady. Inekııadan keıin Damırdiń tynys jıileı túsken, feldsher anasyn tynyshtandyryp, bul psıhosomatıka ekenin, naýqasty aýrýhanaǵa jatqyzýǵa esh negiz joq ekenin aıtqan. Kelesi kúni tańerteń onyń shap aımaǵynda aýyrsyný paıda bolyp, anasy jedel járdemge qaıta qońyraý shaldy. Brıgada jarty saǵattan keıin keldi, Damır bul kezde óte nashar jaǵdaıda boldy. Olar ony aýrýhanaǵa jatqyzý týraly sheshim qabyldady, biraq jasóspirim jedel járdem kóliginde jan tapsyrdy», – dedi balanyń ápkesi Álııa Býlýmbaeva.