Qaraǵandyda júkti áıel aıaldamada tolǵaǵy qysyp, bosanyp qaldy

Áleýmettik jelilerde Qaraǵandydaǵy «TB» aıaldamasynda júkti áıel bosanyp qalǵany týraly aqparat tarady. Anasy da din aman, al sábı jansaqtaý bóliminde jatyr, dep habarlaıdy eKaraganda.kz basylymyna silteme jasaǵan Qandastar.kz.

Búgin, 27 maýsymda túski ýaqytta erekshe oqıǵa boldy. Áıel aıaldamada tolǵaǵy qysyp, bosanyp qalǵan. Oqıǵa kýágerleri jedel járdem shaqyrǵan.

Kýágerlerdiń sózinshe, jedel járdem kóligi shuǵyl jetip, áıeldi alyp ketken.

Oblystyq densaýlyq saqtaý basqarmasy ókilderi anasy men sábıdiń jaǵdaıy týraly aıtty.

«Kómek kórsetý nátıjeleri boıynsha áıel men jańa týǵan sábı perınataldy ortalyqqa jetkizilgen. Anasynyń jaǵdaıy turaqty. Bala jansaqtaý bóliminde jatyr, jaǵdaıy aýyr», — delingen vedomstvo habarlamasynda.