QARAǴANDYNYŃ ShAShÝBAI KENTINDE 96 OTBASY BASPANALY BOLDY

Qaraǵandy oblysynyń Aqtoǵaı aýdanyna qarasty Shashýbaı kentinde 96 otbasy baspanaly boldy. Ol úshin eldi mekendegi bos turǵan bes qabatty úı jóndelgen. Páter kiltteri múgedektigi bar jandarǵa, kóp balaly analarǵa, baspanasy apatty dep tanylǵandarǵa, memlekettik jáne bıýdjettik uıym qyzmetshilerine tabystaldy. Shashýbaıda úı kezeginde taǵy 89 otbasy bar.

Aldaǵy ýaqytta kenttegi bos turǵan taǵy osyndaı 3 úı jóndeledi. Qýanyshbek Meıizbekuly, Shashýbaı kentiniń turǵyny: – Bizdiń otbasymyz úshin qýanyshty kún bolyp jatyr. Aǵam Meırambek baspana alyp otyr. Birneshe jyl buryn múgedektiń toppen úı kezegine turǵan. Sol kezegi kelip mine eki bólmeli páter aldy. Úı óte jaıly, kóńilimizden shyǵyp jatyr.