كارانتين مەن ماسكا تاعۋ رەجيمى 15 قىركۇيەكتەن قايتا باستالاتىنى راس پا?

فوتو: Tengrinews.kz/ تۇرار قازانعاپوۆ

دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتى جەلىدە COVID-19-عا بايلانىستى تاراپ جاتقان شەكتەۋلەردى جوققا شىعاردى, — دەپ حابارلايدى Massaget.kz تىلشىسى.

ۆەدومستۆو مالىمەتىنشە, كارانتين مەن ماسكا تاعۋ رەجيمى قايتا باستالمايدى.

«قازىر جاعداي تۇراقتى. كارانتين ەنگىزىلگەن جاعدايدا جاڭا قاۋلى شىعارىلىپ, حالىققا اقپاراتتاندىرۋ جۇمىستارى جۇرگىزىلەدى. ازاماتتاردان تەك رەسمي اقپاراتقا سەنۋدى وتىنەمىز», — دەيدى دسەك.

سەبك مامانىنىڭ ايتۋىنشا, قاڭتاردان بەرى 3 ادام عانا Covid-19 جۇقتىرعان.

ەسكە سالايىق, سەبك ماماندارى بۇعان دەيىن دە كارانتينگە قاتىستى جەلىدە تاراعان قاۋەسەتكە قاتىستى پىكىر بىلدىرگەن ەدى.

«الەۋمەتتىك جەلىلەردە 15 قىركۇيەكتەن باستاپ بارلىعىنا كارانتين شەكتەۋلەرى مەن بەتپەردە تاعۋ رەجيمى ەنگىزىلەدى دەگەن اقپارات شىندىققا سايكەس كەلمەيدى», — دەلىنگەن ۆەدومستۆونىڭ ءباسپاسوز حابارلاماسىندا.

الايدا بيىل 15 قىركۇيەگىنەن باستاپ تۇماۋعا قارسى ۆاكتسيناتسيا باستالادى.

«بەتپەردە تاعۋ رەجيمى تەك مەديتسينالىق ۇيىمداردىڭ قىزمەتكەرلەرىنە عانا ەنگىزىلەدى», — دەپ اتاپ ءوتتى كوميتەت وكىلدەرى.