Karantın ýaqytynda turmysqa shyqqan Tamara Asar máhrge ne alǵanyn aıtty (FOTO)

Tanymal ánshi Tamara Asar osydan 4 jyl buryn pandemııa ýaqytynda turmysqa shyqqanyn aıtyp, máhrge kólik suraǵanyn bólisti, dep habarlaıdy KYN.KZ aqparat agenttigi.

Qydyráli men Qaraqattyń toıynan keıin ol óziniń turmysqa shyqqan sátin esine aldy. Bul týraly jelidegi paraqshasynda bólisti.

«Keshe Qydyráli men Qaraqattyń toıynan keıin, Bapasy (joldasym) «biz de toı jasaıyq» degen usynys aıtty. «Toılarǵa aman-esen jete bereıik! Qambar men Álisherdi úılendireıik» dedim», – deıdi Tamara Asar.

Ol toıynyń karantın ýaqytta ótkenin aıtyp, máhrge ne suraǵanyn da jasyrmady.

«Bizdiń toıymyz karantın kezinde alty adammen ótip edi. Qudalyqqa bes adam keldi. Turmysqa shyqqanyma qatty uıaldym. Ákemniń shańyraǵynda nekemiz qıyldy. Máhrge mashına suradym. Ol kezde uıalǵanymnan eshteńe kórsete almadym. Joldasym ózi bilmese de, biletindermen aqyldasyp, barlyq joralǵyny túgendep ákeldi. Enemniń týǵan sińlisi bárin rettegen. Pandemııa kezindegi toıymyzdy oqyrmandarym da alǵash kórip otyr. Shabytym kelse, toı ústindegi qyzyqtardy aıtyp beremin», – dep jazdy ánshi.