«قارسى بولدىق»: جۇبانىش جەكسەن ۇلى ۇلىنىڭ يتالياندىق قىزعا ۇيلەنگەنىن مالىمدەدى

تانىمال ءانشى جۇبانىش جەكسەن YouTube- تەگى «سىر» باعدارلاماسىندا ۇلى جايلى ءسوز قوزعادى, دەپ جازدى Qandastar.kz. 

ول ۇلىنىڭ شەت ەلدىك قىزعا ۇيلەنۋىنە ءاۋ باستا قاپسى بولعانىن جاسىرمادى.

«مەنىڭ ۇلكەن كەلىنىم يتاليانكا. ۇلىم گيتاريست, شەتەلدە وقىدى, كەلىنىم دە مۋزىكانت. بالام ۇيلەنەم دەگەندە 5-6 جىل قارسى بولىپ جۇردىك. «قازاقتان تابىلمادى ما» دەگەن اڭگىمەلەر ايتتىق. بىراق كەيىن ۇلىممەن دۇرىستاپ سويلەسكەندە شىن ۇناتىپ قالعانىن ءتۇسىندىردى. جۇرەككە ءامىر جۇرمەيدى عوي. تاڭداۋى سولاي بولسا, ءبىز قالاي كەلىسپەيمىز? ءومىر بويى سۇيگەنىنە قوسىلا الماي, باسقامەن باس قوسىپ, سونىڭ زاردابىن شەگىپ جۇرگەنىن قانداي اتا-انا تىلەيدى, ءوز بالاسىنا?», — دەدى ءانشى.

تاڭداۋىنا كونگەن اكە سوڭىندا بالاسىنىڭ باقىتى ءۇشىن رۇقساتىن بەرگەن.

سونداي-اق, جۇبانىش جەكسەن وتباسى تۋرالى كوپ ايتقاندى قۇپتامايدى.

«حالىققا مەنىڭ ءانىم, شىعارماشىلىعىم قىزىق. وتباسى مۇشەلەرىن جەكە-جەكە تانۋ شارت ەمەس دەپ ويلايمىن. ومىرىمە بىرەۋدىڭ قول سۇعىپ, قاراعانىن قالامايمىن»,- دەدى ول.