«Qarsy boldyq»: Jubanysh Jeksenuly ulynyń ıtalıandyq qyzǵa úılengenin málimdedi

Tanymal ánshi Jubanysh Jeksen YouTube- tegi «Syr» baǵdarlamasynda uly jaıly sóz qozǵady, dep jazdy Qandastar.kz. 

Ol ulynyń shet eldik qyzǵa úılenýine áý basta qapsy bolǵanyn jasyrmady.

«Meniń úlken kelinim ıtalıanka. Ulym gıtarıst, shetelde oqydy, kelinim de mýzykant. Balam úılenem degende 5-6 jyl qarsy bolyp júrdik. «Qazaqtan tabylmady ma» degen áńgimeler aıttyq. Biraq keıin ulymmen durystap sóıleskende shyn unatyp qalǵanyn túsindirdi. Júrekke ámir júrmeıdi ǵoı. Tańdaýy solaı bolsa, biz qalaı kelispeımiz? О́mir boıy súıgenine qosyla almaı, basqamen bas qosyp, sonyń zardabyn shegip júrgenin qandaı ata-ana tileıdi, óz balasyna?», — dedi ánshi.

Tańdaýyna kóngen áke sońynda balasynyń baqyty úshin ruqsatyn bergen.

Sondaı-aq, Jubanysh Jeksen otbasy týraly kóp aıtqandy quptamaıdy.

«Halyqqa meniń ánim, shyǵarmashylyǵym qyzyq. Otbasy múshelerin jeke-jeke taný shart emes dep oılaımyn. О́mirime bireýdiń qol suǵyp, qaraǵanyn qalamaımyn»,- dedi ol.