«Qarsy kórsetilimi bar dári ekken»: Túrkistan oblysynda aýrýhanaǵa óz aıaǵymen barǵan qyz kóz jumdy

Túrkistan oblysy Jetisaı qalasynda aýrýhanaǵa barǵan qyz kóz jumdy. Jibek Esqaranyń ata-anasy buǵan juqpaly aýrýlar bólimshesiniń meńgerýshisin kinálap otyr. Qyzdyń týystarynyń sózinshe, ystyǵy qatty kóterilip, denesi qyzarǵan 10 jastaǵy qyzǵa dáriger dıagnozdy durys qoımaǵan, dep habarlaıdy Skifnews.kz aqparat portaly Informbıýro baǵdarlamasyna silteme jasap.

Sondaı-aq dárigerler jasóspirimge qoldanýǵa qarsy kórsetilimi bar dárini egip jibergen.

Aýrýhanaǵa jedel járdemmen barǵan qyzymnyń denesi bir táýlikte úıge qaıtty. Úsh kún buryn kishkentaı Jibektiń máıitin jer qoınyna tapsyrdyq. Qyzýy 40 gradýsqa deıin kóterilgen qyzymnyń dıagnozyn dáriger alǵashynda dóp taba almady. Qyzymnyń ef-3 dárisine allergııasy bar dep qansha eskertsem de dárigerler balama ekpeni salyp jibergen. Bir saǵat óter etpes qyzym sýdorgy ustady. Men aıǵaıladym, kómektesińder dep jatyrmyn, joǵary temperatýramyn túsip jatyrmyz. Dáriger Aıman degen habar alǵan joq. Reanımaııanyń dárigerleri surady, prednızolon saldyńdar ma, joq bizde dedi. Allergosept saldyńdar ma, joq bizde dedi. Senderde ne apparat joq, ıa dári joq neǵyp júrsińder dedi daǵy reanımaııaǵa alyp ketti qyzymdy. 8 kúni keshki 8-de qyzymnyń denesin alyp qaıttym ǵoı men, – dedi marqumnyń anasy Raıhan Joraqulova. 

Anasynyń sózinshe, aýdandyq ortalyq aýrýhanada tegin berilýi tıis preparattar tabylmaǵan soń aınaladaǵy dárihanaǵa barǵan. Aıtqandaryn aınytpaı aparyp tursa da, dárigerler qyzdyń ómirin saqtap qala almaǵan. Jansaqtaý bólimine túsken 10 jastaǵy Jibektiń jaǵdaıy meńgerýshiniń kesirinen tipten kúrdelenip ketti deıdi ákesi.

Olar endi ár túrli sóıledi. Basynda jaqsy dedi, keıinnen isip bara jatyr dedi. Aýyryp bara jatyr dedi. Ol jaǵyna jınalyp bara jatyr dedi sary sý. Somen men de ań-tań bop qaldym, – deıdi marqumnyń ákesi Ǵabıt Aralbaev. 

Al aýrýhana basshylyǵy bul jaǵdaı boıynsha ujymda ishki tekseris júrgizilip jatqanyn aıtty. Komıssııa quramyna syrttan emes, óz mamandary kiripti. Degenmen, tekserý ádil bolady degenge senimsizdik tanytqan jaǵdaıda quzyrly organdarǵa aryz jazsyn deıdi bas dáriger.

ORVI aýyr dárejesi, vırýsty mınıngo enefolıt, ınfekııalyq toksıktik shok, koma 3 dárejede. Sol kúni jatqyzǵan soń jaǵdaı nasharlaǵan. Prednızolon, allergosept degen dári ol anafılaktıkalyq shok kezinde qoldanylatyn dári. Ol mynadaı jaı bólimshede bolmaıdy. Jumys júrip jatqannan keıin barlyǵy 100 paıyz zor bolady dep aıta almaımyn. Kemshilikter bar, – deıdi Jetisaı aýdandyq ortalyq aýrýhanasynyń bas dárigeri Nurlan Joldasbekov. 

Ata-ana kishkentaı qyzynyń ólimine kináli dáriger jazalansa eken deıdi.