كارتادان اقشانى شەشىپ الۋ قاجەت دەگەن حابارلاماعا ۇلتتىق بانك جاۋاپ بەردى

فوتو: اشىق دەرەككوز

سوڭعى ۋاقىتتا 11 قاراشادان باستاپ بۇكىل بانكتەر جاڭا ستاندارتقا كوشەدى. تولەم مەن اۋدارىم جۇمىس ىستەمەيدى, قولما-قول اقشا ۇستاپ جۇرىڭىزدەر دەگەن حابار تاراپ جاتىر. بۇگىن ۇلتتىق بانك وسىعان قاتىستى تۇسىنىكتەمە بەردى, دەپ جازادى qandastar.kz

مالىمەت بويىنشا بارلىق بانكتەردىڭ تولەم جۇيەلەرىنە ISO 20022 حالىقارالىق تولەم حابارلامالارى فورماتى ەنگىزىلىپ جاتىر. بۇل جۇمىستار قاراشا ايىنىڭ سوڭىنا دەيىن جۇرگىزىلەدى.

بىراق, بۇل پروتسەستىڭ كارتوچكالارمەن جاسالاتىن تولەمگە تۇك قاتىسى جوق! وسىلايشا, حالىقتىڭ تولەم كارتالارى, QR-كودتار, ءموبيلدى اۋدارىمدار, بانكوماتتاردان قولما-قول اقشا الۋ, ۇيالى بايلانىس تولەمدەرى جانە باسقا دا تولەمدەر وزگەرىسسىز قالادى.