مادەنيەت
«قارتايىپ قالساڭىز قويساڭىزشى»: قازاقستاندىق جاس جازۋشى ءجۇرسىن ەرمانعا رەنىشىن ءبىلدىردى
فوتو: كوللاج Sn.kz
قازاقستاندىق جاس جازۋشى, بىرنەشە كىتاپتاردىڭ اۆتورى ءاليحان جاقسىلىق الەۋمەتتىك جەلىدەگى پاراقشاسىندا ايتىستىڭ اقتاڭگەرى ءجۇرسىن ەرمانعا رەنىشىن جەتكىزىپ, جازبا جاريالادى, دەپ حابارلايدى qandastar.kz
«قىزىلوردا» ارناسىنا بەرگەن سۇحباتىندا (اڭگىمەسىندە) ءجۇرسىن اتام مەنى شايتان تۋرالى جازادى (سونىڭ جولىنا ءتۇسىپ كەتتى) دەپ «ايىپتاعانداي» بولدى.
«قولدان جاسالعان قايعى قاسىرەتتەر جازادى» دەگەن ءسوزىن تۇسىنبەدىم. مەن شىعارمادا ەشقاشان ءوزىم جايلى, ءوزىمنىڭ جەكە باسىم تۋرالى جازىپ كورمەپپىن. ءجۇرسىن ەرمان اتامىزدىڭ نەنى مەڭزەپ, قاي شىعارمام جايلى ايتىپ وتىرعانىن بىلمەدىم…», — دەپ باستادى جازۋشى.
ونىڭ ايتۋىنشا, ءجۇرسىن ەرمان جازۋشىنى جىن-شايتاننىڭ سوڭىنان كەتتى دەپ ايىپتاعان.
«اتا! مەن بازبىرەۋلەر قۇساپ ەڭىرەپ جىلاپ, قولدان تاعدىر جاساپ جۇرگەن جوقپىن. دۇنيەدە بار زاتتى جازىپ, كىتابىمدى ساتىپ جايىما ءجۇرمىن. شايتانعا ەردى دەيتىندەي ءبىر جەردە بىردەڭە ىستەپ وتىرعانىمدى كوردىڭىز بە?
ادام بولايىن دەگەن سايىن وسى عوي!
بۇلارعا كوشەدە اراق ءىشىپ, ءبىر جەردە ۇيىقتاپ جاتقانىڭ عانا كەرەك…
ءتۇرىم وسىنداي بولىپ, ءالى ۇقپاي وتىرمىن…
قارتايىپ قالساڭىز قويساڭىزشى… بۇكىل ەل اۋىزىڭىزعا قاراپ وتىر… بار جازىعىم كىتاپ جازىپ ساتقانىم بولسا , اقىرەتتە سول شايتاندارمەن ءوزىم جاۋاپ بەرەمىن!», — دەپ نازىن ءبىلدىردى جازۋشى.
Skifnews.kzاقپارات پورتالى جازعانداي, ايتىس اقتاڭگەرى ءجۇرسىن ەرمان جەرگىلىكتى «قىزىلوردا» ارناسىندا اقىن مۇحتار نيازوۆپەن سۇحباتتاسقان. ءسوز اراسىندا جۇرگىزۋشى ءجۇرسىن ەرماننان ادەبيەتتە جۇرگەن كەيىنگى بۋىن وكىلدەرى جايلى سۇراعان. سوندا ول بىر كەزدەرى ايتىس ساحناسىندا ونەر كورسەتكەن كەيىن پروزاعا بەت بۇرعان ءاليحان جاقسىلىقتى تىلگە تيەك ەتەدى.
“قازىرگى جاستار تايىز سۋدا جۇرگەن قايىق سياقتى. كوڭىل كونشىتپەيدى. قولدان جاساعان قايعى قاسىرەتتەرى بار. سونى ايتادى. جىن-شايتان سونى جازادى. ءاليحان جاقسىلىق دەگەن جىگىت بولدى عوي بىزدە. سونى اۋەلدە الپەشتەپ ەدىك. سونىڭ جولىنا ءتۇسىپ كەتتى. وسىنداي جاستار كوبەيىپ كەتتى. بىرەۋدىڭ جولىن كەسەيىن دەگەنىم جوق.ءومىردىڭ اقيقاتىن جازۋ كەرەك. جىن-شايتان ءىنجىلدى جازعاندار تولىپ جاتىر. ىشىمىزگە تۇسپەيدى”, – دەيدى ءجۇرسىن ەرمان.
