«Qartaıyp qalsańyz qoısańyzshy»: Qazaqstandyq jas jazýshy Júrsin Ermanǵa renishin bildirdi

Foto: kollaj Sn.kz

Qazaqstandyq jas jazýshy, birneshe kitaptardyń avtory Álıhan Jaqsylyq áleýmettik jelidegi paraqshasynda aıtystyń aqtańgeri Júrsin Ermanǵa renishin jetkizip, jazba jarııalady, dep habarlaıdy qandastar.kz

«QyzylOrda» arnasyna bergen suhbatynda (áńgimesinde) Júrsin Atam meni shaıtan týraly jazady (sonyń jolyna túsip ketti) dep «aıyptaǵandaı» boldy.

«Qoldan jasalǵan qaıǵy qasiretter jazady» degen sózin túsinbedim. Men shyǵarmada eshqashan ózim jaıly, ózimniń jeke basym týraly jazyp kórmeppin. Júrsin Erman atamyzdyń neni meńzep, qaı shyǵarmam jaıly aıtyp otyrǵanyn bilmedim…», — dep bastady jazýshy.

Onyń aıtýynsha, Júrsin Erman jazýshyny jyn-shaıtannyń sońynan ketti dep aıyptaǵan.

«Ata! Men bázbireýler qusap eńirep jylap, qoldan taǵdyr jasap júrgen joqpyn. Dúnıede bar zatty jazyp, kitabymdy satyp jaıyma júrmin. Shaıtanǵa erdi deıtindeı bir jerde birdeńe istep otyrǵanymdy kórdińiz be?

Adam bolaıyn degen saıyn osy ǵoı!

Bularǵa kóshede araq iship, bir jerde uıyqtap jatqanyń ǵana kerek…

Túrim osyndaı bolyp, áli uqpaı otyrmyn…

Qartaıyp qalsańyz qoısańyzshy… Búkil el aýyzyńyzǵa qarap otyr… Bar jazyǵym kitap jazyp satqanym bolsa , aqyrette sol Shaıtandarmen ózim jaýap beremin!», — dep nazyn bildirdi jazýshy.

Skifnews.kzaqparat portaly jazǵandaı,  aıtys aqtańgeri Júrsin Erman jergilikti «Qyzylorda» arnasynda aqyn Muhtar Nııazovpen suhbattasqan. Sóz arasynda júrgizýshi Júrsin Ermannan ádebıette júrgen keıingi býyn ókilderi jaıly suraǵan. Sonda ol  bir kezderi aıtys sahnasynda óner kórsetken keıin prozaǵa bet burǵan Álıhan Jaqsylyqty tilge tıek etedi.

“Qazirgi jastar taıyz sýda júrgen qaıyq sııaqty. Kóńil kónshitpeıdi. Qoldan jasaǵan qaıǵy qasiretteri bar. Sony aıtady. Jyn-shaıtan sony jazady. Álıhan Jaqsylyq degen jigit boldy ǵoı bizde. Sony áýelde álpeshtep edik. Sonyń jolyna túsip ketti. Osyndaı jastar kóbeıip ketti. Bireýdiń jolyn keseıin degenim joq.О́mirdiń aqıqatyn jazý kerek. Jyn-shaıtan injildi jazǵandar tolyp jatyr. Ishimizge túspeıdi”, – deıdi Júrsin Erman.